Якты юл
  • Рус Тат
  • «Симәки»не шушы көннәрдә «Сәмәкәй» дип төзәткәннәр

    «Халык контроле» дәүләт хезмәтләре күрсәтү порталына сентябрь аенда тукайлылардан алты мөрәҗәгать кергән. Беренче хәбәрдә Кече Шилнәнең Совет урамында юл юклыгын искә төшергәннәр. 5 сентябрьдә Тогаево авылыннан урамда ут янмый дигән хәбәр килгән. 24 сентябрьдә район Башкарма комитеты исеменнән биредә урамның яктыртылуы хакында җавап язылган. Сергей Б. Боровецкое күпереннән «Горизонт» бакчачылык...

    «Халык контроле» дәүләт хезмәтләре күрсәтү порталына сентябрь аенда тукайлылардан алты мөрәҗәгать кергән. Беренче хәбәрдә Кече Шилнәнең Совет урамында юл юклыгын искә төшергәннәр. 5 сентябрьдә Тогаево авылыннан урамда ут янмый дигән хәбәр килгән. 24 сентябрьдә район Башкарма комитеты исеменнән биредә урамның яктыртылуы хакында җавап язылган. Сергей Б. Боровецкое күпереннән «Горизонт» бакчачылык ширкәтенә бару юлындагы зур чокырлардан зарланган. Дүртенче мөрәҗәгатьтә юл күрсәткеченә Сәмәкәй авылының «Симәки» дип хата белән язылуын әйткәннәр. Авыл җирлегендә белдерүләренчә, шушы көннәрдә әлеге хата төзәтелгән. Порталга керүчеләрдән берәү М-7 юлында ремонттан соң борылышны бетерүләреннән риза булмавын белдергән, шул сәбәпле 13 километр әйләнергә кирәклеген әйткән. Соңгы хәбәр 24 сентябрьдә Ильбухтинодан килгән. Кулланучы Ирек һәм В. Лапочкин урамнары арасында чокырга көнкүреш калдыклары ташлануын язган. Соңгы ике мөрәҗәгать янына «Карауда» («В работе») дигән тамга куелган.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: