Якты юл
  • Рус Тат
  • Салымнар аз җыела

    Милек салымнарын 1 декабрьгә кадәр түләп бетерергә кирәк. Бу турыда хакимияттә үткән атналык киңәшмәдә тагын бер мәртәбә искә төшерделәр.

    Әлегә транспорт салымының 18 проценты, милек салымының 19 проценты, җир салымының 25 проценты гына җыелды, дип белдерде район финанс-бюджет палатасы рәисе Ләйсән Хуҗагалиева. Салым түләүләренең аз җыелуына район башлыгы Фаил Камаев та игътибар итте. Ул җир һәм милек салымнарыннан җыелган акчаларның җирле бюджетта калуын искәртте. Шуңа күрә авыл җирлекләре башлыкларына бюджетны тулыландыру турында уйларга кирәк. Районда әҗәтләрне түләтү буенча махсус штаб төзеләчәк. Анда бурычлыларны һәм бу юнәлештә артта калган авыл җирлекләре башлыкларын чакырачаклар.

    Нравится
    Поделиться:
    Реклама
    Комментарии (0)
    Осталось символов: