Редакциянең һөнәри эшчәнлеге Россиядә иң куәтлеләрдән саналган компания тарафыннан бәяләнде

"ТАТМЕДИА" акционерлык җәмгыяте филиалы - "Якты юл" газетасы редакциясен Рәхмәт хаты белән бүләкләделәр.

Куйбышев тимер юлы - "Россия тимер юллары" ААҖ филиалы начальнигы Р.Ф.Сайбаталов компания эшчәнлегенә күрсәтелгән игътибар өчен газета мөхәррире Инзилә Әхмәтгәрәева исеменә редакция коллективына рәхмәт сүзләре юллады.

"Россиядә иң куәтлеләрдән саналган транспорт компаниясе эшчәнлеген яктыртуда күрсәткән һөнәри осталыгыгызны Куйбышев тимер юлы коллективы югары бәяли. Сезнең басмагыз укучылары, Россия тимер юллары пассажирлары һәм клиентлары мәнфәгатьләрендә алга таба да хезмәттәшлек итүебезгә ышанабыз", - диелгән Рәхмәт хатында.

8 Март бәйрәме алдыннан хезмәтебезне югары бәяләгән әлеге Рәхмәт хатын алуыбызга икеләтә шатландык. Нәкъ менә шушындый сөенечләр безне яңа иҗади үрләргә этәрә дә инде.

"Якты юл" газетасы да Куйбышев тимер юлы - "Россия тимер юллары" ААҖ филиалына зур рәхмәт сүзләре җиткерә һәм киләчәктә дә уртак хезмәттәшлек җепләренең өзелмәвенә ышаныч белдерә.