Районда «Супер әби – 2014» һәм «Супер бабай – 2014» бәйгеләре үткәрелә

Бүген, 17 октябрьдә, көндезге сәгать икедә Круглое Поле поселогының мәдәният йортында «Супер әби - 2014» һәм «Супер бабай - 2014» район бәйгеләре үтә. Чарада 6 әби һәм 4 бабай катнашырга теләк белдерде. Конкурста катнашучылар арасында - «Татарстан» совхоз поселогыннан Әхәт Аитов, Мария Пучинина, Иштирәктән Асия Метшина, Илдус Җиһангиров, Калмиядән Мәүсилә һәм Рафис Әхмәтнуровлар, Иске Абдулдан Асия Хәммәтова, Таулыктан Нәкыя Гыймазетдинова, Ильбухтинодан Валерий Павлик һәм Бәтке авылыннан Эльза Лапаева. Әби-бабайлар арасында уздырылучы бәйгедән репортажны газетабызның киләсе санында укый алачаксыз. Безнең белән калыгыз!