Яңалыклар
Наркотикларга каршы комиссия утырышы
Тукай муниципаль районының наркотикларга каршы комиссиясе чираттагы утырышын уздырды. Анда район биләмәләрендә законсыз рәвештә наркотиклар куллану, аларны сату-алу белән бәйле җинаятьләр һәм профилактик чаралар турында сөйләштеләр.
Хокук саклау вәкилләре һәм табиблар комиссиядә чыгыш ясап наркоманиянең нинди бәлаләргә китерүен искәрттеләр. Мисаллар белән дәлилләнгән чыгышларда районда наркотик матдәләрнең законсыз әйләнеше хакында ачыктан-ачык әйтелде. Шулай ук яшьләрне бу заман афәтеннән саклап калу, спортка, сәламәт яшәү рәвешенә тарту буенча да җитди сөйләшү булды.
Комиссия күтәрелгән мәсьәләләр буенча карарлар кабул итте.
Следите за самым важным и интересным в Telegram-каналеТатмедиа
Нет комментариев