Мин – тәвәккәл эшмәкәр

4 июль көнне "Белемле эшмәкәрлек" проекты кысаларында "Мин - тәвәккәл фермер" программасы буенча семинар узачак. Республикада кече һәм урта эшмәкәрлекне үстерү максатыннан оештырылган әлеге проект укыту, белем бирү семинарларының берничәсен үз эченә ала. Программа шәхси, крестьян-фермер хуҗалыкларының үсешенә этәргеч бирү, яңаларын ачу бурычларын куя. Чәршәмбе көнне әлеге программа нигезендә үтәчәк семинарда авыл хуҗалыгы тармагында эшләүче эшмәкәрләр һәм авыл җирлеге башлыклары белемнәрен тирәнәйтә алачак. Семинарда катнашучылар өчен махсус күргәзмә дә оештырылыр дип көтелә.