Ленинград блокадасы өзелүгә 71 ел

Бу атнада «Шәфкать» үзәгендә Ленинград блокадасы өзелүенә 71 ел тулуга һәм Бөек Җиңүнең 70 еллыгын каршылауга багышланган чара үтте. Максаты - үсеп килүче буынга патриотик тәрбия бирү, илебез азатлыгы өчен корал тотып яуга кергән ватандашларыбызның исемнәрен мәңгеләштерү, яшь буында ватанпәрвәрлек хисе тәрбияләү. Чарада катнашкан яшүсмерләр тарих битләренә күз салып, дәһшәтле сугыш еллары, 900 көн дәвам иткән Ленинград блокадасы мәхшәрен сурәтләгән язмалар белән таныштылар, презентация карадылар. Ахырдан исә балалар «Яшәү юлы» темасына рәсемнәр ясадылар, дип хәбәр иттеләр «Шәфкать» үзәге белгечләре.