Якты юл
  • Рус Тат
  • Коткаручылар балалар белән очрашты

    27 декабрьдә Гадәттән тыш хәлләр хезмәте коткаручылары үзләренең һөнәри бәйрәмнәрен билгеләп үтә. Шул уңайдан районның бу тармакта эшләүче хезмәткәрләре балалар белән очрашып, аларга үз эшчәнлекләре турында сөйлиләр. Күптән түгел шундый чара Кече Шилнә авылының «Колосок» балалар бакчасында узды. Күзәтчелек эшчәнлегенең район буенча бүлеге башлыгы Александр Власов биредә тәрбияләнүчеләргә Гадәттән тыш...

    27 декабрьдә Гадәттән тыш хәлләр хезмәте коткаручылары үзләренең һөнәри бәйрәмнәрен билгеләп үтә. Шул уңайдан районның бу тармакта эшләүче хезмәткәрләре балалар белән очрашып, аларга үз эшчәнлекләре турында сөйлиләр. Күптән түгел шундый чара Кече Шилнә авылының «Колосок» балалар бакчасында узды. Күзәтчелек эшчәнлегенең район буенча бүлеге башлыгы Александр Власов биредә тәрбияләнүчеләргә Гадәттән тыш хәлләр министрлыгы нинди структура икәнлеге, анда кемнәр эшләгәнлеге хакында сөйләде. Көтелмәгән хәлләр килеп чыкканда шалтырату өчен балалардан 01 һәм 112 телефоннарын хәтерләрендә калдыруларын сорады. Бер кешене коткару өчен генә дә МЧС хезмәткәрләренең самолетларны, вертолетларны, авиация отрядларын, медицина хезмәткәрләрен һавага күтәрүләре һәм башкалар турында нәниләр бик кызыксынып тыңладылар.
    Гадәттән тыш хәлләр килеп чыкканда үз-­үзеңне тоту кагыйдәләре Яңа ел алдыннан районның барлык тәрбия һәм белем бирү учреждениеләрендә дә кабат искә төшереләчәк, белешмәлекләр таратылачак, дип хәбәр итә күзәтчелек эшчәнлегенең район буенча бүлеге инспекторы Илнар Мифтахов.

    Иң мөһим һәм кызыклы язмаларны Татмедиа Telegram-каналында укыгыз


    Теги: МЧС
    Нравится
    Поделиться:
    Реклама
    Комментарии (0)
    Осталось символов: