Кнәз авыл җирлегендә халык җыены бәхәсле узды

Кичә Кнәз авыл җирлегендә узган халык җыены башка еллардан аермалы булды. Анда катнашучылар үз фикерләрен, дәгъвалаларын катгый әйтте. Очрашуда Фермер Таһир Хөрмәтуллин «Кама-Бекон» ҖЧҖ белән бәйле экологик хәлгә борчылуын, поселокта начар ис булуын белдерде. Үзенең чыгышында ул әлеге җыеннарның формаль гына узмавын теләде, монлдый чараларның урыннардагы көнүзәк, халыкны борчыган мәсьәләләрне уртага салып сөйләшү, хәл итү урыны булырга тиешлеген, һәм анда район хезмәткәрләренең җаваплы затлары да катнашуы кирәклеген ассызыклады.