Кемнең хезмәт хакы нык аз?

admin, 22 май 2021 - 12:55

678

Россиялеләр хезмәт хакы аз түләнә дип санаган профессияләрне атаганнар. Тикшерүләрне «Работа.ру» сайты үткәргән. Бу исемлеккә укытучылар, табиблар һәм фән эшлеклеләре кергән.

Үз хезмәт хаклары түбән дип укытучыларның 64 проценты, табибларның – 58, фән эшлеклеләренең 38 проценты белдергән. Россиялеләр педагоглар уртача 120 мең сум, медиклар 122 мең, фәнни хезмәткәрләр 130 мең сум хезмәт хакы алырга тиеш дип саныйлар. Респондентларның өчтән бере янгын сүндерүчеләр һәм коткаручылар бик аз акча ала дип, дүрттән бере шахтерлар һәм инженерларга аз түлиләр дип белдергән. Слесарь, машина йөртүче, төзүче һөнәрләренең түбән бәяләнүен әйткәннәр. Ләкин сорашуда катнашучыларның бары тик 1 проценты гына чиновникларның хезмәт хакын күтәрергә кирәк дигән фикер әйткән.