Кече Шилнәдә нәни кызга исем куштылар

Халыкара гаилә көне уңаеннан Кече Шилнә авылының мәдәният йортында исем кушу тантанасы үтте. Садриевлар гаиләсендә өченче бала булып туган кызчыкка Ралина исеме куштылар. Гаиләне сөенечле вакыйга белән котларга баланың әнисенең хезмәттәшләре дә килгән иде. Бәйрәмдә авыл җирлеге, район гражданлык хәле актларын теркәү бүлеге исеменнән җылы котлау сүзләре әйтелде, Кече Шилнәнең "Башаккай" балалар бакчасы ансамбле җыр һәм биюләрен бүләк итте.

Ел башыннан районда барлыгы 228 бала туды, бу узган елның шушы чорыннан 130га күбрәк, дип хәбәр итте район гражданлык хәле актларын теркәү бүлеге башлыгы Эльвира Мостафина.