Кече авылларга да Интернет килер дип көтелә

Әлеге мәсьәләне хәл итү максатыннан 44 җирле пунктта тикшерү үткәрелде. Нәтиҗәдә бу авылларның 8ендә оптик элемтә линияләренең булуы ачыкланды. Калган 36 авылның 12сендә «Цифрлы экономика» программасы кысаларында киң колачлы Интернетка тоташтыру күздә тотылган фельдшер-акушерлык пунктлары бар. Шулай ук бу авылларда халыкны да Интернет белән тәэмин итү планлаштырыла. Болар – Яңа Сарайлы, Колыш, Таулар, Бордыбаш, Җәйләү, Малтабар, Белоус, Кызыл Байрак, Ташкичү, Таулы Дөреш, Байбүләк, Күктәк Мирсәет авыллары. Эшләр 2019-2021 елларда башкарылыр дип көтелә.