Казанда татар авыллары эшмәкәрләре җыены үтә

Бөтенроссия татар конгрессы Башкарма комитетының эш планы нигезендә бүген Казан шәһәрендә III Бөтенроссия татар авыллары эшмәкәрләре җыены уза. Безнең районнан әлеге чарада район фермерлар ассоциациясе рәисе, фермер Минталип Миңнеханов та катнаша. 16 март көнне тәмамланачак әлеге җыенда Россиянең төрле почмагыннан җыелган эшмәкәрләр Казан шәһәрендә урнашкан, күрү сәләтеннән мәхрүмнәр өчен эшләүче мөселман укыту-тернәкләндерү үзәге һәм "Ярдәм" мәчете эшчәнлеге белән танышачаклар.
Җыен программасы кысаларында делегатлар шулай ук республика һәм Россия күләмендә хәләл, башка төр продукция җитештерүчеләрнең күргәзмә-ярминкәсен карап, Самара өлкәсенең Алькино авылындагы агротуризм үзәгендә булып кайтачаклар.