Бөтенроссия татар авыллары эшмәкәрләре җыенында тукайлылар да катнашты

Үткән атнада Казан шәһәрендә Бөтенроссия татар авыллары эшмәкәрләренең IV җыены үтте. Әлеге чарада районыбыз фермеры Минталип Миңнеханов та катнашты. Җыенда авыл хуҗалыгы тармагында эшләүче эшмәкәрләрне борчыган һәртөрле мәсьәләләр күтәрелде, аларның мәнфәгатен тулырак яктырту турында сүз барды. Моннан кала, җыенда катнашучыларның чыгышларын тыңлап һәм авыл хуҗалыгы бизнесы проблемаларын төрле яктан тикшергәннән соң җыен резолюциясе кабул ителде. Резолюция авыл эшмәкәрләрен киң җәмәгатьчелеккә күрсәтү-танытуга, аларны «Чиста су», «Авыл юллары», «Авыл урамнарын яктырту» кебек республика программаларын гамәлгә куюга, авылларда узучы милли бәйрәмнәрне үткәрүгә актив җәлеп итүгә юнәлдерелгән.

фото http://tokaevo.ucoz.ru сайтыннан