Яңалыклар
Караганда татарлары Муса Җәлил истәлегенә концерт программасы әзерләгән
Герой шагыйрь хөрмәтенә Казахстанда ел саен мәдәни чаралар үткәрелә. Караганда Халыклар дуслыгы йортында герой шагыйрь Муса Җәлил (1906-1944) истәлегенә концерт булачак. Бу хакта Караганда өлкәсе "Ихлас" татар-башкорт берләшмәсе хәбәр итә. Мәдәни чара 22 апрель көненә билгеләнгән. Анда Муса Җәлилнең шигырьләре яңгыраячак, тормыш юлы, иҗаты хакында мәгълүмат биреләчәк. Билгеле булганча, Карагандада...
Герой шагыйрь хөрмәтенә Казахстанда ел саен мәдәни чаралар үткәрелә.
Караганда Халыклар дуслыгы йортында герой шагыйрь Муса Җәлил (1906-1944) истәлегенә концерт булачак. Бу хакта Караганда өлкәсе "Ихлас" татар-башкорт берләшмәсе хәбәр итә.
Мәдәни чара 22 апрель көненә билгеләнгән. Анда Муса Җәлилнең шигырьләре яңгыраячак, тормыш юлы, иҗаты хакында мәгълүмат биреләчәк.
Билгеле булганча, Карагандада яшәүче татарлар Муса Җәлилне ел саен искә алып, аның хөрмәтенә әдәби-музыкаль кичәләр әзерли. Шундый кичәләрнең берсе быел февраль аенда - шагыйрьнең туган көне уңаеннан да үткәрелгән иде.
Казахстанның Актүбә шәһәрендә исә узган шимбәдә Рәүф Кутуев (1925-1944), Гайнан Кормаш (1919-1944) һәм Муса Җәлилнең әниләрен искә алу кичәсе узды.
Следите за самым важным и интересным в Telegram-каналеТатмедиа
Нет комментариев