Кадерле райондашлар, Корбан бәйрәме белән!

Хөрмәтле мөэмин-мөселманнар! Корбан бәйрәме - ислам дөньясында иң якты бәйрәмнәрнең берсе. Күп гасырлар дәвамында бу көнне олы Корбан бәйрәме җитүен һәм мөселманнарның изге хаҗ сәфәре тәмамлануын белдереп районыбыз авылларында тантаналы азан тавышлары яңгырый, бәйрәм намазлары укыла. Районыбызда төрле милләт кешеләренең үзара тату, бердәм яшәүләре үзе бер горурлык. Алар дини кануннарны төгәл үтәп, үзара аңлашу, түземлелек, милләтара тынычлык шартларында, дус, тату яшәүләрен ныгытуга ирешәләр. Киләчәктә дә әлеге тиңсез казанышыбызның кадерен белеп, әҗерен күреп яшәргә насыйп булсын. Районыбыз мөселманнары, башка дин вәкилләре белән бергәләп, рухи-әхлакый мирасыбызны баетуда, социаль әһәмияткә ия программаларны гамәлгә ашыруда, яшь буынны тәрбияләүдә дә актив катнашалар. Мондый нәтиҗәле эшчәнлек җәмгыятебезнең әхлакый яңарышына ярдәм итәр дип ышанам. Изге Корбан бәйрәме һәрберебез күңеленә иман нуры өстәсен, һәр гаиләгә иминлек һәм бәрәкәт китерсен. Сезнең догаларыгыз барып ирешсен! Барыбызга да сәламәтлек, бәхет, уңышлар, игелекләр һәм муллык телим.

Муниципаль район башлыгы - Совет рәисе Васил Хаҗиев.