Якты юл
  • Рус Тат
  • Тукайлылар җир өчен салымны аның кадастр бәясеннән түләячәк

    Билгеле булганча, агымдагы елның беренче гыйнварыннан җир өчен налог җир участогының кадастр бәясеннән чыгып исәпләнә башлады. Россельхознадзорның Татарстан буенча идарәсе белгече Айдар Асадов белән шул хакта сөйләштек.

    - Гражданнар, авыл хуҗалыгы оешмалары, җир участоклары хуҗалары үз җирләренең кадастр бәясен ничек белә алалар?

    - Бүгенге көндә бу бик гади һәм матди чыгымнар сорамый торган эш. Моның өчен сезгә интернет һәм сезне кызыксындырган җир участогының кадастр номеры гына кирәк. Кадастр номерын җир участогының кадастр паспортыннан яки җиргә хуҗа булу таныклыгыннан табып була. Беренче эш итеп безгә Интернетта Росреестрның кадастр картасы битенә керергә кирәк (Публичная кадастровая карта). Икенчедән кадастр номеры, адрес, координаталар битенә сезне кызыксындырган җир участогының кадастр номерын кертергә һәм эзләргә кирәк. Килеп чыккан биттә сез әлеге җир участогы турында күп кенә мәгълүмат шул исәптән кадастр бәясен дә күрә аласыз.

    - Җирнең кадастр бәясе нәрсәгә карап үзгәрә?

    - Әйе, җиргә нинди кулланылышта файдалану өчен рөхсәт бирелүенә, кайда урнашуына карап төрле бәя куела. Шәһәр яны җирләре, төрле оешмалар, офислар астындагы җирләр, файдалы казылмалар чыгаручы җирләр авыл хуҗалыгы карамагындагы җирләрдән күпкә кыйммәтрәк йөри.

    - Җир участогыңның кадастр бәясе белән килешмәсәң нишләргә?

    - Бүгенге көндә кулланылыштагы закон нигезендә җир участоклары хуҗалары кадастр бәясе белән килешмәсә, алты ай эчендә дәгъва белдерә алалар. Ләкин күп очракта җир хуҗалары участокның яңа бәясен салым оешмаларыннан түләү кәгазе килгәч кенә беләләр һәм шуның белән законда каралган дәгъва срогын югалталар. Җирнең кадастр бәясеннән чыгып җир салымының, аренда бәяләренең суммалары исәпләнә. Җир өчен яңа бәя кую закон нигезендә өч елдан да иртә, биш елдан да соңга калмыйча башкарылырга тиеш. Шуңа күрә алдан үз җир участогыңның кадастр бәясен белеп тору файдага гына булыр дип уйлыйм.

    Иң мөһим һәм кызыклы язмаларны Татмедиа Telegram-каналында укыгыз


    Теги: җир
    Нравится
    Поделиться:
    Реклама
    Комментарии (0)
    Осталось символов: