Игътибар, конкурс тәмамлана

Кадерле укучыларыбыз, "Якты юл" газетасы "Җиләкле җәй" фотоконкурсы игълан иткән иде. Катнашырга теләүчеләр газетаның электрон почтасына (yakti.ul76@gmail.com) "җиләкле" фотографияләр һәм матур хат язып җибәрделәр. Бүгенге көнгә биш лидерыбыз бар. Алар өчен тавыш бирергә онытмагыз.

Исегезгә төшерәбез, конкурста җиләк җыйган кеше дә, аннан кайнатма әзерләгәннәр дә, урманга барып, тәмләп ашап кына кайтканнар да катнаша ала. Иң мөһиме - хат язганда иң матур фотоларны салырга кирәк. Үзегез катнашырга теләсәгез, әле вакыт бар. Конкурсның нәтиҗәләрен 29 июль көнне китерәбез. Җиңүчеләрне ике капчык шикәр комы көтә.