Эшмәкәрләр конференциясе

Эшмәкәр һәм крестьян-фермер хуҗалыгы тотучылар үзләрен борчыган сорау, мәсьәләләрне уртага салып сөйләшү өчен конференциягә җыелды. Район хакимиятендә узган очрашуда муниципаль район башлыгы В. Хаҗиев, ТР инвестицион үсеш агентлыгы, ТР Сәүдә-сәнәгать палатасы, ТР этил спирты, алкоголь продукциясе әйләнеше һәм сыйфаты буенча дәүләт күзәтчелеген тәэмин итү һәм кулланучылар хокукларын яклау инспекциясе, салым инспекциясе, ветеринар күзәтчелек, авыл хуҗалыгы һәм азык-төлек идарәсе вәкилләре, район башкарма комитеты хезмәткәрләре, авыл җирлекләре башлыклары катнашты. Эшмәкәрлекне үстерүгә ярдәм итү буенча дәүләт программалары, үз эше белән шөгыльләнүчеләр юлында киртә тудырган мәсьәләләр һәм аларны чишү юллары турында сөйләшенде.