Чаллының "Татарстан" кунакханәсе мөселманнар өчен махсус бүлмәләр җиһазлады

Чаллының "Татарстан" кунакханәсе мөселман клиентлары өчен аерым бүлмәләр җиһазлады. Бу эш ҮДО - Татарстан мөселманнары Диния нәзарәте каршындагы "Хәләл" комитеты тарафыннан хупланды, дип хәбәр итә ТР МДН матбугат хезмәте. Ошбу хакта кунакханәнең генераль директоры Валентин Никитович Голубев болай ди: "Бүлмәләрдә намаз уку өчен барлык шартлар тудырылган: кыйбла юнәлешен күрсәткән күрсәткечләр, намазлык, русча, татарча тәфсире белән Коръән, дисбе, түбәтәй һәм яулык, туалетта комган бар."

Номерга бронь заказы бирелгәндә бронь хезмәткәре мөселман республикаларыннан килергә теләүчеләргә һәм шулай ук башка мөселман кешеләренә дә бу хакта даими җиткереп торачак. Мөселман илләреннән дә кунаклар көтелә.