Бүген Соңгы кыңгырау бәйрәме

Бүген районның барлык мәктәпләрендә чыгарылыш сыйныф укучылары өчен соңгы кыңгырау яңгырады. Быел районда XI сыйныфны барлыгы 128 укучы, тугызынчыны 326 бала тәмамлый. Унберенчеләрнең 9ы алтын, 4есе көмеш медальгә бара.

Соңгы кыңгырау бәйрәменә кадәр үк унберенчеләрнең чыгарылыш имтиханнары башланды инде. 22 майда алар татар теленнән гадәти формада имтихан тапшырдылар - нигездә, сочинение элементлары белән изложение яздылар. Ә бердәм дәүләт имтиханы 28 майда башлана. Ул көнне унберенчене тәмамлаучылар сайлап алган фәннәр буенча - тарих һәм биологиядән сынау үтәчәкләр. Яңа поселогы мәктәбенә капиталь ремонт ясалу сәбәпле, БДИ тапшырырга быел укучылар Кнәз мәктәбенә барачак.