“Батырлык атнасы” үтте

автор, 22 февраль 2012 - 05:31

968

Район эчке эшләр бүлеге тарафыннан 16 февральдән 23енә кадәр "Батырлык атнасы" дигән акция үтте. Бүлек хезмәткәрләре әлеге чара кысаларында Биклән һәм Кече Шилнә мәктәпләрендә очрашулар үткәрде.

Эчке эшләр бүлегенең ветераннар советы рәисе Сергей Морозов балалар белән әңгәмәсе вакытында Бөек Ватан сугышы чорына караган вакыйгаларга тукталды, район җиреннән фронтка киткәннәрнең батырлыклары турында сөйләде.

Акция барышында укучылар әфган һәм чечен сугышында катнашучылар белән дә очраштылар, Эчке эшләр органнары музеенда булдылар.

Бүлек хезмәткәрләре хезмәт бурычын үтәгәндә батырларча һәлак булган өлкән участок инспекторы, милиция өлкән лейтенанты Айдар Биктимеров гаиләсендә дә булдылар, дип хәбәр итте район эчке эшләр бүлеге башлыгы ярдәмчесе Руслан Кашапов.