Агитбригада «Чаткылар» – җәйләүдә

Җәйге лагерь матур табигать кочагында урнашкан. Территория чиста, җыештырылган. Терлекләр ята торган урыннар ялт итеп тора. Сыерлар, әбиләр әйткәндәй, сәхрәдә яталар, алларында ризыклары мулдан. Сыер савучылар арасында Резидә Исхакова һәм Илүсә Сафиуллина – терлекләрдән иң күп сөт алучылар.
Без җәйләүгә килеп җиткәндә савымчылар, җитез эшчән кырмыскалар кебек, капчыкларын күтәреп малларга он тараталар иде. Көтүчеләр Илшат Шәмсемөхәммәтов, Венарид Ямалиев, Илнар Сәләхов, Валерий Ильин малларны тамаклары туйганчы ашатып, басу-кырларда йөртеп, савымга алып кайталар, савым тәмамлангач, кабат көтүгә алып чыгалар. Ферма мөдире Альбина апа Әһлиева эшне оештыра белә, тәртип белән алып бара.
Агитбригаданың жырчы кызлары Эльмира Миңнебаева, Ландыш Юнысова, Гөлназ Фәрхетдинова, кечкенә артистларыбыз Азалия Галимҗанова, Айзилә Фәрхетдинова әлеге эшчән бригадага матур концерт номерлары бүләк иттеләр. 
Хуҗалык идарәчесе агитбригада үзешчәннәренә олы рәхмәтләрен җиткерде, ферма мөдире кечкенә кызларыбызга баллы күчтәнәчләр биреп озатып калды.

Ләйсирә СӘХИБҖАНОВА, 
Калмия мәдәният йорты директоры.

Фото Ләйсирә Сәхибҗановадан алынды.