Агачны рөхсәтсез кисмәгез

ТР Урман хуҗалыгы министрлыгы бүген урманнарның санитар торышын яхшырту юнәлешендә күптөрле чаралар башкарылуын белдерә. Ләкин табигать факторлары урманнарга да тискәре йогынтысын ясамый калмый. Мәсәлән, 2010 елгы корылык чыршы һәм нарат үсентеләренең күпләп юкка чыгуына китерде. Бу аеруча республиканың көньяк-көнчыгыш һәм төньяк районнарында күренде. Корыган үсентеләр бөҗәкләрнең үрчүенә дә китерә, шулай ук янгын куркынычы да тудыра. Зыян күргән мәйданнарда санитар-сәламәтләндерү чараларын дәвам итүнең мөһим. Көндәлек кирәк-ярак өчен агачларны кисү рөхсәтсез башкарылырга тиеш түгел, бу ТРның "Татарстан Республикасында урманнардан файдалану" дип аталган 22нче законында күрсәтелгән тәртиптә генә башкарылырга тиеш дип кисәтәләр министрлыктан.