Тукай районының яшь спортчылары Мамадыштан җиңү белән кайтты

Үткән шимбәдә Мамадыш шәһәрендә ирекле көрәш буенча республика турниры үткәрелде. Анда 1998-2005 елгы малайлар һәм кызлар көч сынашты. Ярышларда Татарстан Республикасының төрле шәһәр һәм районнарыннан килгән барысы бергә 300дән артык спортчы бар иде. Районыбыз данын Круглое Поле поселогы яшүсмерләре яклап чыкты. Үз авырлыклары буенча II урынны, III урынны исә Валерия Кожевникова белән Милана Сәләхова яулап алдылар. Яшүсмерләрнең тренеры - Рафаэль Гыйззәтуллин. Балаларга алга таба да зур уңышлар гына теләп калабыз.