Иң оста бадминтончылар

Уеннар яшь төркемнәре дүрт категориядә үтте. Барлыгы 78 катнашучы көч сынашты. Ярыш нәтиҗәләре түбәндәгечә билгеләнде: 2002 елгы һәм өлкәнрәк егетләр арасында Кнәз мәктәбеннән беренче урынны Дмитрий Волков, кызлар арасында Ксения Жданова, 2003-2005 елгылар төркемендә Данил Әлмөхәммәтов (Кнәз) hәм Зәринә Вагыйзова (Түбән Суыксу), 2006-2008 елгылар арасында Артур Вәлиев (Кнәз) hәм Алия Гатауллина (Кнәз), 2009 елгылар һәм кечерәкләр төркемендә Рифат Әсләмов (Кнәз) hәм Аделина Вахитова (Кнәз) алдылар. Командалар буенча беренчелекне Кнәз мәктәбе, икенче урынны Мәләкәс, өченче урынны Түбән Суыксу мәктәбе яулады.