#ТукайлыларТукайныУкый – «Якты юл» газетасы флешмоб башлап җибәрә

Татар халкының бөек шагыйре Габдулла Тукайның тууына 132 ел тулу уңаеннан «Якты юл» газетасы #ТукайлыларТукайныУкый дигән флешмоб игълан итә. Тукай районының исемендә үк шагыйрьнең исеме ята. Районга Тукай исеме дә нәкъ менә Габдулла Тукайның 90 еллыгы уңаеннан, бөек шагыйрьнең үлмәс исемен мәңгеләштерү максатында бирелә.

Әлбәттә, тукайлылар үзләренең бөек шагыйрь исемен йөртүләренең җаваплылыгын тоя һәм «Якты юл» газетасы оештырган #ТукайлыларТукайныУкый флешмобына актив кушылдылар.

Флешмобка син дә кушыла аласың. Социаль челтәр аккаунтыңда #ТукайлыларТукайныУкый хештегы белән Габдулла Тукай шигырен укып видео урнаштыр һәм лайклар җый, дусларыңны да шагыйрь иҗатына җәлеп ит!