Игътибар, бәйге!

Һәр авылда үз һөнәре белән башкаларны гаҗәпләндереп, сокландырып яшәүче оста куллы кеше була - кемдер тимердән тере кебек чәчәкләр чүкеп ясый, кемдер рәссамнардан калышмый чигә, кемдер фабрикадагыдан да яхшырак комганнар ясый, кәрҗин үрә, камырдан чәчәкләр пешерә.... кыскасы, санап бетергесез. Андый осталар һәркайда да хөрмәткә ия. Әлеге алтын куллы кешеләр белән башкаларны да таныштырасы гына калды. Сезгә останың һөнәре, аның кулыннан төшкән иҗат җимешләрен фотога төшереп, безнең редакциягә электрон почта аша (yakti_ul@mail.ru )16 декабрьгә кадәр җибәрергә кирәк. Авылдашыгыз, туганыгыз турында зур булмаган язма да җибәрсәгез, без бик шатланып кабул итәрбез. Барлык фотоларны без сайтта урнаштырачакбыз. Аларны күпме кеше кереп карау буенча җиңүче билгеләнәчәк. Иң популяр осталарга Илнур Гомәров, Алмаз Ишморатов концертларына һәм Яр Чаллы татар Дәүләт драма театры спектакльләренә чакыру билетлары бүләк итәчәкбез. Шулай итеп, фотога төшерегез, языгыз, безгә җибәрегез һәм җиңүгә ирешегез!