Бердәм экология дәресләре

ТР Экология һәм табигать ресурслары министрлыгы ТР Фән һәм мәгариф министрлыгы белән берлектә республикада өченче ел рәттән "Бердәм экология дәресләре" акциясен үткәрә. Бу чара үсеп килүче буынның экология юнәлешендәге белемен арттыру, укучыларда туган як табигатенә сакчыл мөнәсәбәт тәрбияләүне максат итеп куя. Республикакүләм әлеге чара кысаларында үткән экология дәресләрендә Бәтке мәктәбендә районның баш ветеринария табибы Әнсәр Әбделманов, Биклән мәктәбендә "Россельхознадзор"ның ветеринария дәүләт инспекторы Әнәс Гумиров укучылар белән очрашты.