Балалар иминлеген тәэмин итү – төп бурыч

18 октябрьдә Теләнче Тамак урта мәктәбендә тормыш иминлеге нигезләре фәнен укытучы педагоглар семинарга җыелды. Чара район ЮХИДИ бүлеге башлыгы Шамил Ганиевның чыгышы белән башланды. Кунакка Яр Чаллы шәһәренең 49нчы номерлы кадет мәктәбе тәрбиячесе Зилә Нямаева һәм аның отряды да килгән иде. Алар жыелган кунакларга үз сәләтләрен күрсәттеләр. Теләнче Тамак урта мәктәбе башлангыч сыйныф укучыларының "Без чыктык имин юлга" дип аталган чыгышы балаларның юл йөрү кагыйдәләрен ни дәрәҗәдә белүләрен күрсәтте, дип яза Биклән урта мәктәбенең физкультура һәм ТИН укытучысы Ренат Исмәгыйлев.