Җиңүчеләр фестивальнең зона этабында катнаша

3 сентябрьдә Мусабай Завод авылының мәдәният йортында үзешчән ветеран-башкаручылар арасында үткәрелә торган "Балкыш" фестиваленең сайлап алу туры узды. Чара татар мәдәниятен баету, өлкән яшьтәгеләрнең иҗатын халыкка тәкъдим итү максатларын күздә тота.

Катнашучылар исемлегенә районның авыл җирлекләреннән 19 иҗат номеры теркәлгән иде. Сайлап алу турында фольклор жанры, соло, хор белән җырлау, шигырь уку кебек чыгышлар булды.

Җиңүчеләр фестивальнең бүген Яр Чаллыда үтәчәк зона этабында катнаша, дип хәбәр ителә муниципаль районның рәсми сайтында.