Якты юл
  • Рус Тат
    • Мәдәният

    Мөбарәкбад, Нәүрүз!

    автор, 28 март 2012 - 04:45
    676
    0
    0

    Узган атнада районның күп авылларында Нәүрүз бәйрәмнәре булып узды. "Нәүрүз" фарсы теленнән алынган. Ул "яңа көн" дигәнне аңлата. Элек әлеге бәйрәм атна-ун көн дәвам иткән. Көн белән төннең язгы тигезлек көне - 21 мартта башлана торган булган һәм аның һәр көне изге көн дип саналган.

    Мондый бәйрәмнәр кешегә бик кирәк. Үзенең көндәлек мәшәкатьләренә чумылып, вак-төяк ыгы-зыгыдан арындырып җибәрү, дөньяның камиллеген, Аллаһы Тәгаләнең бирмешен олылау, шөкерана итү өчен кирәк ул. Күр инде тормышның муллыгын - зур казанда, учак өстендә, тирә-якка хуш ис таратып, ботка пешә (аны һәр бәйрәмдә авылыбыз эшмәкәре Руслан Шәйдуллин хәстәрли), газ плитәсендә чаж-чож коймак пешә. Рәхим ит, сыйлан, кайнар чәй өстәле янында рәхәтләнеп аралаш, бөтен авылга яңгырап торган җырларыбызны тыңла. Әнә, гармун моңы белән авылны ямьгә күмеп, Гыйльметдин Шәйхетдиновның бизәлгән атында Иске Байлар авылы гармунчысы Фәрит Кәбиров килеп җитте.

    Бакча балаларын гына күр! Тәрбияче апалары белән җитәкләшеп килеп, күңелне сөендерделәр алар: биеделәр, уйнадылар. Укытучы апалары белән башлангыч сыйныф укучылары уенга кушылды. Я Раббым, бирмешеңә рәхмәт, бүгенге муллыгыбыз өчен рәхмәт. Без, сугыш еллары балалары, нәкъ шушы чагыбызда чабатага да туймадык бит...

    Ә бәйрәм, музыка гөр килеп дәвам итә. Нәүрүз туташ (Ләйсән Вәлиева) килеп чыккач, тын калып, аны тыңладык, язның гүзәллегенә ихлас сокландык. Кыш бабай бик нык булып чыкты, быел китәргә һич ашыкмый. Кыш бабай (Гали Мингалимов) чыннан да заманча карт булып чыкты. Ярышларда дисәң дә бирешергә теләми, бии башлагач та Нәүрүздән ким түгел, чүгә-чүгә сиптерә генә. Ләкин яшьлек үзенекен итә, Нәүрүз җиңде бит Кыш бабайны. Халык аны кызганып түгел, яратып алкышлады. "Кабат кайтуыңны көтәбез", - диделәр.

    - Игеннәребез каерылып уңсын, җәйләр имин булсын, авылыбызның урман-болыннарының чисталыгын саклыйк, табигать-анабызга рәхимле булыйк. Биредә безнең бабакайлар, әтиләр яшәгән, алар рухына хәерхаһлы булып, гореф-йолаларыбызны югалтмыйча, саклап яшик газиз авылыбызны, - дип мөрәҗәгать итте Нәүрүз бәйрәмдәгеләргә.

    Ә бәйрәм озак дәвам итте. "Әллүки"леләр, гадәттәгечә, төрле биюләр оештырдылар, яше-карты бергә күңел ачтык. Нәүрүз мөбарәк булсын, язлар-җәйләр хәере белән килсен. Бәйрәмне оештырган мәдәният йорты директоры Илгизә һәм алып баручы - китапханә мөдире Тәнзилә Шәйхнуроваларга ихлас рәхмәтләребезне әйтеп таралыштык.

    Иң мөһим һәм кызыклы язмаларны Татмедиа Telegram-каналында укыгыз


    Теги: Нђњрњз бђйрђме
    Нравится
    Поделиться:
    Реклама
    Комментарии (0)
    Авторизоваться
    Осталось символов:
    © 2011 - 2021. Якты юл ("Светлый путь"). Все права защищены.
    © ТАТМЕДИА. Все материалы, размещенные на сайте, защищены законом.
    Перепечатка, воспроизведение и распространение в любом объеме информации,
    размещенной на сайте, возможна только с письменного согласия редакций СМИ.
    При поддержке Республиканского агентства по печати и массовым коммуникациям «ТАТМЕДИА».
    Наименование СМИ: Якты юл ("Светлый путь")
    № свидетельства о регистрации СМИ, дата: ЭЛ № ФС 77 - 47608 от 07.12.2011
    выдано Федеральной службой по надзору в сфере связи,
    информационных технологий и массовых коммуникаций
    ФИО главного редактора: Р.М. Закиев
    Адрес редакции: 423807, РТ, г. Наб.Челны, пр. М.Джалиля, 46
    Телефон редакции: 70-17-58 - редактор;
    70-25-48 - бухгалтер;
    70-17-43 - отделы писем и массовой работы;
    70-16-86 - компьютерная группа.
    Электронная почта:
    yakti.ul76@gmail.com
    Учредитель СМИ: АО «ТАТМЕДИА»
    Политика о персональных данных
    Антикоррупционная политика
    Телефон АО «ТАТМЕДИА»: (843) 222 09 84
    16+