Татарстан Республикасы көне алдыннан Боерган күпфункцияле үзәгендә авыл китапханәсе белән берлектә балалар бакчасында тәрбияләнүчеләр өчен «Минем Татарстаным» дигән исемдәге җанлы һәм танып-белү чарасы узды.
Бәйрәм программасы 30 август көнне билгеләп үтелә торган төп дәүләт бәйрәменә багышланды һәм нәниләрдә туган якка карата мәхәббәт тәрбияләүне максат итеп куйды.
Чара барышында нәниләр бәйрәмнең тарихы белән танышты, Татарстанның дәүләт символлары — флагы, гербы һәм гимны турындагы белемнәрен яңартты. Балалар милли татар уеннарында һәм эстафеталарда катнаштылар. Нәниләр туган як турында шигырьләр сөйләделәр, рус һәм татар телләрендә җырлар башкардылар, шулай ук үзләренең кызыклы бию адымнарын күрсәттеләр.
Фото: үзәкләштерелгән китапханәләр системасы (ВК)
"Якты юл" газетасына язылыгыз һәм Тукай районындагы яңалыкларны, вакыйгаларны белеп торыгыз
Нет комментариев