21 гыйнвар 2022 яңалыклары
-
Китап – тормыш дәреслеге
Кемнәр алар минем китап укучыларым? Укытучы яки терлекчеме, механизатор яки мәктәп укучысымы, шәфкать туташы яисэ гомер буе эшләгәннән соң лаеклы ялга чыккан, буш вакыты калуга кинәнеп китапханәнең даими укучысына эйләнгән пенсионермы? Кырык елдан артык китапханәче вазифасында узган гомеремдә барысы да булды, дистәләгән, йөзләгән китап укучы булган еллар бар иде. Хәзерге кебек китаплары да тулып ятмады.
-
Мәктәп музейлары яши әле
Безнең Мусабай-Завод мәктәбендә дүрт дистә ел инде музей эшләп килә. Ләкин кабинеттан кабинетка, урыннан урынга күчеп йөрү нәтиҗәсендә музей тулыланмаган, эшчәнлеге бер урында торган. Җыелган экспонатлар да акрынлап югалып, таралып беткән. Бер ел элек без музей эшенә ныклап тотынырга, аны баетырга булдык.
-
Табиблар вакцина ясатырга чакыра
Сovid-19 вирусы бирешергә уйламый, дип белдерәләр район үзәк больницасы табиблары. Больницаның «кызыл зонасы» буш тормый, чирләүчеләр саны да кимеми. Хәзер тагын омикрон штаммы белән дә куркыталар. Больницаның участок табиб-терапевты Н. Иванова тукайлыларга бу җәһәттән үз киңәшләрен бирә.
-
2022 ел уңышына нигез салучылар
С.Сәйдәшев исемендәге хуҗалык орлыкчылык тармагы буенча республика игенчеләренә үрнәк итеп куярлык. Бу хакта үткән ел шушы хуҗалыкта басу-кыр форматында уздырылган республика зона семинарында «Татарстанның элиталы орлыклары» ассоциациясе генераль директоры Юрий Еров семинар-киңәшмәдә катнашучыларга мөрәҗәгать итеп: «Орлыкчылык белән шөгыльләнүче һәр хуҗалык Сәйдәшев исемендәге хуҗалыктагы шикелле орлык склады булдырырга тиеш. Бу хуҗалыкта басу-кырларда, ындыр табагында, орлык складында барлык эшләр дә агротехник таләпләрне үтәп башкарыла, сәйдәшлеләрдән үрнәк алыгыз», – дигән иде.
-
Качмануда чистарындык
19 январьда православие динендәге райондашлар Качману бәйрәмен билгеләп үтте. 18 январьдан 19ына каршы төндә чиркәүләрдә гыйбадәт кылу һәм суны изгеләндерү йолалары башкарылды. Төнге 12 тулгач Качману коенулары башланып китте. Бәкедә суга коенып чыгу бик күп гөнаһлардан арындыра, күңелне чистарта, күп төрле чирләрдән дәвалый дигән ышану яши. Район территориясендә дүрт купель эшләде. Купельләр Белоус поселогында, Борды, Мәләкәс һәм Новотроицкое авылларында урнаштырылды.
-
Сыйныфташымнан авыл халкына бүләк
Кулыма «Әҗмәкәй – туган авылым» дигән китап килеп керде. Авторлары бертуганнар Әнисә Әшрәпова һәм Зәнфирә Шәмсетдиновалар икән. Сөендем, минем сыйныфташым китап язган. Без Әнисә белән Мулланур Вахитов исемендәге мәктәптә белем алдык.
-
Елның иң яхшы педагоглары
Кече Шилнә авылы мәдәният йортында «Ел укытучысы-2022» һәм «Ел тәрбиячесе-2022» бөтенроссия бәйгеләренең муниципаль этабы җиңүчеләрен һәм призерларын бүләкләделәр. Әлеге күркәм һәм мәртәбәле бәйгедә быел район мәктәпләреннән һәм балалар бакчаларыннан барысы 57 педагог – 37 укытучы һәм 20 тәрбияче катнашты.