Рус Тат

17 март 2022 яңалыклары

17 март 2022
750 мең сум акчасын тәрәзәдән ташлаган

Мәскәүнең көнчыгышында бер пенсионер ханым фатиры тәрәзәсеннән ярты миллионнан артык акчасын ташлаган һәм шулай итеп полицейскийларга мошенникларны тоткарларга булышкан. Хәл болай булган: 85 яшьлек пенсионер ханымның фатир телефонына билгесез кеше шалтыраткан. Ул үзен банк хезмәткәре дип таныштырып, җинаятьчеләр сезнең акчалар белән мошенниклык кылырга маташалар дигән.
17 март 2022
Ял өчен сертификатлар

Дәүләт Думасы депутаты Нина Остатина илдә килеп туган икътисадый вәзгыятькә бәйле рәвештә сертификатлар кертергә тәкъдим иткән.
17 март 2022
Камилә – атказанган спорт мастеры

Якташыбыз 15 яшьлек фигуралы шуучы Камилә Вәлиева Россиянең атказанган спорт мастеры исеменә лаек булды.
17 март 2022
Мансур Сәхбеев: «Безнең эштә ашыгыч ярдәм дә, полицейский да булырга туры килә»

Биклән авыл җирлегенә керүче Кызыл Юл авылында туып-үскән Мансур Шакирҗан улы Сәхбеев тормышын туган җире белән бәйләгән. Биклән авыл җирлеге башлыгы вазыйфасын башкаруына да ике дистә ел булган. Ватанпарвәр Мансур Сәхбеевның тырыш хезмәтен хөкүмәтебез югары бәяли. Үткән атнада район авыл хуҗалыгы алдынгылары слетында күпьеллык тырыш хезмәте өчен Мансур Сәхбеевка район башлыгы Татарстан Республикасы Дәүләт Советының «Рәхмәт хаты»н тапшырды.
17 март 2022
Табиблар өчен йорт төзелә

Районда халыкны, бигрәк тә яшь гаиләләрне яшәү урыннары белән тәэмин итүдә төрле программалар, проектлар эшләп килә. Бигрәк тә республиканың Дәүләт торак фонды белән берлектә алып барыла торган төзелеш программасы бүгенге көндә аеруча уңышлы хәл ителә. Кече Шилнә авылында Тукай районы үзәк дәваханәсендә хезмәт куючы табиблар һәм яшь белгечләр өчен төзелә торган торак йорт та нәкъ менә шушы фонд заказы нигезендә җиткерелә.
17 март 2022
Торнаташның үткәне һәм бүгенгесе

Исеме дә исеме... Аннан матур җисеме Торнаташ – кечкенә дә төш кенә. Кече авыл үзенең эшсөяр халкы, пөхтәлеге белән башка авыл җирлекләренә үрнәк булырлык. Торнаташлылар туган җирен, үз халкын, нәсел-нәсәбен тарихта калдырырга теләүче зыялы кешеләре булу белән дә мактауга лаек. Гомере буе балаларга белем һәм тәрбия биргән хөрмәтле мөгаллим Миннегаяз Минһаҗев Торнаташның истәлекле урыннары хакында үзе белгәнне һәм өлкәннәрдән ишеткәнне килер буыннарга истәлек итеп теркәп калдырган. Абруйлы аксакал язып калдырган истәлекләрне әдәбиләштереп, тиешенчә эшкәртеп, газета укучыларга тәкъдим итәбез. Куя белгән дә соң елга, күл, чишмәләргә, басу-кырларга исемне безнең халык! Истәлекләрдән күренгәнчә, кече авыл булса да, Торнаташның табигый атамаларга бай урыннары байтак булган. Халык басу-кырларга, үзәннәргә, болын-тугайларга җисеменә туры китереп исем куя белгән.
17 март 2022
Баланы уллыкка алсаң акча бирелә

Баланы уллыкка алучыга, баланың опекунына, попечителенә яисә тәрбиягә алучы ата-анага бер тапкыр пособие түләү бирү каралган.
17 март 2022
Файдалы киңәшләр

Хуҗабикәләр өчен файдалы киңәшләр:
17 март 2022
Кулыннан гөлләр тама

Татар халкы элек-электән терлек асраган, җир сөргән, иген иккән. Искиткеч тырыш, эшчән булган. Ирләр элек-электән тормыш-көнкүреш өчен кирәк-яраклар ясау белән шөгыльләнгәннәр: итек басканнар, кәрзин, бишек үргәннәр, бау ишкәннәр, чабата ясаганнар. Ә уңган кызларыбыз һәм киленнәребезнең кулыннан нинди генә эшләр килмәгән?! Татар хатын-кызлары бәйләргә дә бик оста.
17 март 2022
Электрон сәүдә: кичә, бүген, иртәгә

Фән-техника үскән, яңа нанотехнологияләр барлыкка килгән саен тормышыбызда уңай үзгәрешләр көне-сәгате белән арта тора. Интернет заманында электрон сәүдәнең үсүе, аның киләчәге киң булуы инде бәхәссез. Электрон сату тормышыбызга үтеп кереп, аңыбызны үзгәртте. Бу алым бигрәк тә эшмәкәрләр, үзмәшгульләр, җитештерүчеләр өчен дә файдалы, җайлы. Районда электрон сәүдәне үстерүгә зур игътибар бирелә.