Тукай районында 1,2 чакрым юлны реконструкцияләү планлаштырыла
Юл гына түгел, аның тирәсендәге инфраструктура да яңарачак: Тукай районында Чаллы – Сарман трассасының бер өлешен үзгәртеп коруга 275 миллион сум бүлеп бирү планлаштырыла.
Татарстанның Тукай районында Чаллы – Сарман автомобиль юлының бер участогын реконструкцияләү планлаштырыла. Эшләр өчен 275 миллион сумга якын акча бүлеп бирү каралган. Тиешле тендер дәүләт сатып алулары порталында урнаштырылган.
Проект буенча подрядчыга озынлыгы 1,2 чакрым булган юл өлешен яңарту бурычы куела. Эшләрне 2027 елның 9 ноябренә кадәр төгәлләргә тиешләр.
Заказ бирүче — «Главтатдортранс» дәүләт казна учреждениесе. Проектны финанслау Татарстан Республикасы бюджеты хисабына башкарылачак.
Реконструкция кысаларында юл инфраструктурасын комплекслы яңарту планлаштырыла. Эшләр исемлегенә тышкы электр челтәрләрен, газ белән тәэмин итү системаларын һәм элемтә линияләрен урнаштыру, җир эшләре башкару, шулай ук юл өслеген торгызу керә.
Яңартылган участок юл хәрәкәте иминлеген арттырырга һәм әлеге юнәлештә йөрүчеләр өчен уңайлы шартлар булдырырга тиеш.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев