Югары белемле яшьләрнең 36 проценты белгечлеге буенча эшләми
Югары белем алган яшьләрнең өчтән бере үз һөнәре буенча эшкә урнашмый.
“Яшьләр югары белем алгач, аларның 36 проценты югары белем таләп итүче һөнәрләр буенча эшләми. Ә урта һөнәри белем алучыларның 20 проценты киресенчә, югары белем таләп ителә торган эшләрдә хезмәт куя”, — ди РФ вице-премьеры Татьяна Голикова.
Голикова шулай ук кадрлар фаразы нигезендә югары уку йортларына кабул итү саннарын дөрес итеп планлаштыру мөһимлеген ассызыклады.
Моннан тыш, вице-премьер белгечләрне яңадан әзерләү мәсьәләсенә дә игътибар итәргә кирәклеген әйтте. Бүгенге көндә “Кадрлар” милли проекты кысаларында 213 төрле һөнәр буенча яңадан укыту мөмкинлеге бар, дип хәбәр итә ТАСС.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев