Биклән мәктәбен тәмамлаучылар 50 елдан соң кабат бергә җыелды
Кайвакыт вакытны туктатып калып булмый кебек тоела, әмма кешеләр арасындагы җылылык һәм чын дуслык еллар үтүгә дә буйсынмый. Нәкъ менә шундый дулкынландыргыч, күз яшьләре һәм шатлыклы елмаюлар белән үрелгән тарихи вакыйга Биклән урта мәктәбендә узды. Моннан төгәл 50 ел элек — 1976нчы елда чыгарылыш кичәләре узган сыйныфташлар кабат бер табын артына җыелды.
Ярты гасыр — бу бер кеше гомеренең шактый зур өлеше. Шушы вакыт эчендә кичәге малайлар һәм кызлар тормышның төрле сукмакларыннан узганнар, һөнәр алганнар, гаилә корып, балалар һәм оныклар үстергәннәр. Нәрсә генә үзгәрсә дә, Биклән мәктәбендә алган белемнәр һәм яшьлек елларындагы дуслык җепләре аларны һәрвакыт бәйләп торган.
Очрашу бик җылы һәм эчкерсез мохиттә узды. Сагынышып күрешкән сыйныфташлар мәктәп елларындагы кызыклы хәлләрне, укытучыларның үгет-насыйхәтләрен искә алдылар. Очрашуда катнашучылар үзләре дә бу көнне хис-тойгыларын яшерә алмадылар:
«Үзебезнең 50 елдан соң кабат күрешүебезгә ышанып та бетмибез! Бу — безнең балачакка, яшьлегебезгә кайту дулкыны булды. Йөрәкләрдәге хисләрне сүз белән генә аңлатып булмый», — дип уртаклаша безнең белән танылган шагыйрә Рәзинә Сәетгәрәева.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев