Алсу Тимерханова автор яңалыклары

• 16 октябрь 2022

  Бармак очларым белән күрәм

  15 октябрьдә дөньяда «Халыкара ак таяк көне»н билгеләп үтәләр. Икенче төрле халык арасында ул «сукырлар көне» буларак та билгеле. Бездә дә фани дөньяның гүзәллеген маңгай күзе белән күрә алмаучы, ләкин күңел күзе үткен булган райондашларыбыз яши. Сезне шундый яшь кешеләрнең берсе – Бәтке авылында гомер итүче Булат Мансуров белән таныштырырга телибез.

  
• 11 октябрь 2022

  Картаямыни соң йөрәк

  Районыбызда олы яшьтә булуга карамастан спортны, физкультураны үз итеп яшәүче ветераннарыбыз, пенсионерларыбыз шактый. Алар тормыштан тәм, ямь табып төрле ярышларда катнашалар, активлык күрсәтәләр. Әле узган атнада гына районыбызның Түбән Суыксу авылының «Алга» спорт залында өлкән буын кешеләре арасында Тукай районы Спартакиадасы булып узды. Анда авыл җирлекләреннән барлыгы 22 команда, 130дан артык спортчы көч сынашты.

  
• 07 октябрь 2022

  Алтын йөрәкле сез, укытучылар!

  Укытучы һөнәре элек-электән мактаулы, зур хөрмәткә ия профессия булып саналган. Аеруча авылда яшәп, авыл балаларына белем биргән мөгаллим алтын йөрәкле кешегә тиңләнгән.

• 27 сентябрь 2022

  Без спортны яратабыз

  Тукай районында спортны яраткан, сәламәт яшәү рәвешен максат итеп гомер итүчеләр бик күпләр. Атна саен авыл җирлекләрендә, районыбыз күләмендә төрле спорт ярышлары, бәйгеләр булып тора. Узган атна да спорт чараларывна бай булды. Район яшьләре һәм өлкән яшьтәге спортчылар бик теләп ярышларда катнаштылар.

  
• 26 сентябрь 2022

  Яңа бакча төзелешендә

  Районда мәктәп, балалар бакчалары, ФАПлар һәм башка шундый социаль әһәмияткә ия объектларның төзекләндерелүе, өр-яңадан төзелүе сөенечле күренеш. Үткән атнада без янә шундый төзелеш мәйданчыкларының берсендә булып кайттык.

  
• 20 сентябрь 2022

  Матур эшләребез, ярсу йөрәгебез бар

  Милли проектлар кысаларында башкарылучы эшләрнең үтәлешен үз күзләребез белән күрү максатыннан, без берничә авыл җирлегенә чыктык. «Мәгариф», «Сәламәтлек саклау», «Куркынычсыз һәм сыйфатлы автомобиль юллары» дип исемләнгән милли проектлар буенча Шилнәбаш авылында 100 урынга исәпләнгән башлангыч мәктәп бинасы төзелешен, Мусабай-Завод авылындагы ФАП һәм Иштиршәк авылына илтүче юлны карап чыктык.

  
• 15 сентябрь 2022

  Шаулый урман җилләр искәндә

  Урманнар гомер-гомергә илебезнең зур, табигый байлыгы булып санала. Элеккеге заманнарда гади кеше өчен ул гөмбәсен, җиләген, чикләвеген биреп ашатучы да, кышкы салкыннарда утыны белән җылытучы да булган. Заманалар үзгәреп, урманнарның көнкүрештә әһәмияте бераз кимесә дә, ил күләмендә ул әле дә безнең иң зур, кадерле хәзинәбез булып кала бирә.

  
• 14 сентябрь 2022

  Оҗмахларга тиңдер бакчасы

  Авыллар буйлап йөргәндә һәм анда яшәүче халык белән аралашкан чакта, районыбызда никадәр уңган-булган кешеләрнең, кызыклы шәхесләрнең барлыгына һәрвакыт гаҗәпләнәм. Аларның һөнәрләре дә, гаиләләре дә гадәттә шуның кадәр гүзәл вә сокланып туймаслык – кайвакыт күз тимәсен дип, шүрләп тә куясың. Шулай да, бу кешеләрнең уңганлыгын башкаларга да танытасы килү, эчтәге икеле-микеле хисләрне читкә этәреп, кулга каләм тоттыра. Бүгенге язмабыз герое да шундый кызыклы, уңган шәхесләрнең берсе. Аның тыйнаклыгы, гадилеге, тормышка тыныч, фәлсәфи карашы да минем кебек алны-артка карамыйча, язмышны койрыгыннан эләктерергә тырышучы кешене бераз әкренәйтеп, тынычландыра сыман. Моның барысы да Боерган авылында көн итүче оста бакчачы Әгъләм Шәйхетдинов турында.

  
• 09 сентябрь 2022

  Тукай районы дәваханәсенә 25 ел

  – Тукай үзәк дәваханәсе бинасының төзелеше әле дә мине горурлык хисе белән яшәтә. 1987 елда дәваханәсенең комплекслы булуы төзелеш проектына норматив документлар белән кертелмәсә дә, үзебезнең тырышлык белән без аны шундый итеп оештырдык. Әлеге комплекс үз эченә күп юнәлешле шифаханә, диагностика үзәге, күп юнәлешле хирургия, терапия, гинекология, косметология бүлекчәләре, реанимация, реабилитация бүлекләрен үз эченә алды һәм шулай ук комплексның эшен тәэмин итүче, хезмәт күрсәтүче көчле инфраструктура да булдырылды. Дәваханәнең үз гаражлары, складлары, кер юу урыны, үз ремонт базасы булды,– дип сөйләде Тукай үзәк хастаханәсенең элеккеге баш табибы Зиннур Закиров.

• 01 сентябрь 2022

  Чыңлады беренче кыңгырау!

  Бүген, туган илебездә, шул исәптән Тукай районында да “Белем бәйрәме”н билгеләп үттеләр, мәктәпләрдә тантаналы ленейкалар булды, беренче көмеш кыңгырау чыңы яңгырады. Тәүге тапкыр мәктәп бусагасыннан атлаган сабыйлар һәм аларның әти-әниләре өчен бу көн аеруча истәлекле, шатлыклы, дулкынландыргыч булды. Безнең районда гына да 1 сентябрь көнне 4377 укучы мәктәпләргә килде. Шуларның 528зе – беренче сыйныфка килүче сабыйлар.

  
• 24 август 2022

  Күңелле үзгәрешләр

  Узып баручы атна безнең район, аның халкы өчен зур, мөһим булган вакыйга белән истә калачак. 23 август, сишәмбе көнне, Яңа поселогында мәртәбәле кунаклар: ТРсы Дәүләт Советы рәисе урынбасары Марат Әхмәтов, район башлыгы Фаил Камаев катнашында олы тантана узды. Биредә бөек татар шагыйре Габдулла Тукай һәйкәле, шулай ук, республика программалары кысаларында төзекләндерелгән ял паркы, спорт объекты, капиталь ремонттан соң Яңа поселогының мәдәният йорты ачылды.

  
• 23 август 2022

  Район мәктәпләре яңа уку елына әзер

  Уку елы башланырга санаулы көннәр генә калып бара. Әлеге уңайдан, әти-әниләр, балалар мәктәп кирәк-яракларын сатып алу, әзерлек ыгы-зыгысында кайный. 1 сентябрьдә укучыларга янә үз ишекләрен ачачак белем йортлары да биналарны, мәктәп яны территорияләрен төзекләндерү һәм башка шундый зур эшләрне тәмамлап, әлеге вакытта вак-төяк оештыру эшләре белән генә мәшгуль. 

  
• 07 август 2022

  Сөт “чишмәләре” саекмас

  Элек-электән авыл халкы мал тотып, шуның файдасын күрергә тырыша. Ите, сөте, йомыркасы дигәндәй – үзләренә генә түгел, сатуга да киткән. Шулай да, һәр йортта тавыгы белән бергә һәрвакыт асрала торган мал ул сыер булгандыр мөгаен. Ә менә көче җиткән, хәллерәк хуҗалыкларда ике, өч хәтта дүртәр сыер асраганнар.

  
• 05 август 2022

  Гомерләр суларда өзелмәсен

  Җәй айлары елның иң матур, сагынып көтелгән ел фасылларының берседер ул. Бакча эшләре, табигать кочагында ял итү, су керү – олысы, кечесе өчен  җәйнең мәшәкатьләре дә, рәхәтләре дә. Ләкин шуның белән бергә җәй ул хәвефле вакытның берсе дә әле. 

  
• 28 июль 2022

  Диңгез кыю егетләргә буйсына

  Бу атнада Россиядә Хәрби-диңгез флоты көне билгеләп үтелә. Хәрби диңгезчеләрнең һәркайсы өчен бу кадерле һөнәри бәйрәм. Төрле елларда диңгез флотында хезмәт иткән һәм әлеге вакытта хәрби хезмәттә булган ир-егетләр безнең районда да шактый.