Алсу Тимерханова автор яңалыклары

• 27 июль 2022

  “Кыр кораблары”  имтихан тотты

  «Икмәк барысына да баш», «Икмәк – тормышның нигезе» дип ипи турында халык телендә бик күп әйтемнәр, мәкаләләр туган. Чыннан да, икмәк табында иң кадерле, иң кыйммәтле ризыкларның берсе ул. Аның юлы авыр һәм мактаулы. Үткән шимбәдә районда узган «Комбайннар парадын»да да бу хакта сүз күп булды. Район башлыгы Фаил Камаев хуҗалыкларда эшләүчеләрнең хезмәте, яшь кадрларны авылга тарту, аларга ярдәм күрсәтү, кызыксындыру чараларын күрү мәсьәләләре турында да шактый сөйләде. Ләкин бу көнне бар игътибар тиздән кырларга чыгачак комбайннарга юнәлгән иде. 

  
• 25 июль 2022

  Ашлаган җир аш бирер

   Чәршәмбе, 20 июль көнне «Тукайагрохимсервис» ҖЧҖе базасында «2022 елда агрохимия эшләренең барышы һәм алда үтәләсе бурычлар» дип исемләнгән семинар-киңәшмә үтте. Кырыкка якын кешен җыйган семинарда ТРсы авыл хуҗалыгы һәм азык-төлек министры урынбасары Дмитрий Яшин, «Татагрохим» ҖЧҖе генераль директоры Наил Гобәйдуллин, «Тукайагрохимсервис» ҖЧҖе директоры Рифкать Шәфигуллин, район башлыгы Фаил Камаев, район авыл хуҗалыгы һәм азык-төлек идарәсе башлыгы Рәшит Хәбетдинов һәм төрле районнарда урнашкан «Агрохимсервис» җәмгыяте предприятияләре вәкилләре, авыл хуҗалыгы белгечләре катнашты.

  
• 13 июль 2022

  Эшлим дисәң, мәктәп укучысына да эше бар 

   Мәктәп укучылары өчен җәй айлары күптән ял итү вакыты буларак кына кабул ителми. Аларның күбесе җәен акча эшләргә, шул рәвешле гаиләсенә ярдәм итү яки алган хезмәт хакын үзен кызыксындырган юнәлештә файдалануны үзмаксат итеп куя. 

• 08 июль 2022

  Матурлык ишегалдыннан башлана

  «Безнең ишегалды» республика программасы буенча быел Татарстанда 1212 ишегалды биләмәләре тәртипкә салыначак. Бу хакта 5 июль көнне торак сәясәте һәм инфраструктура үсеше буенча ТРсы Дәүләт Советы комиссиясе утырышында «ТРсы шәһәрләр үсеше институты» Фонды директоры урынбасары Венера Камалова хәбәр итте. 

  
• 06 июль 2022

  Маллар тук булса, хуҗалык нык булыр

  Быел язның һәм җәйнең яңгырлы килүе җирне дымга җитәрлек туендырса да, кирәк чакта көннәрнең җылы килмәве аркасында кырдагы игеннәр һәм терлек азыгына дип чәчелгән культуралар ашыкмый гына буйга җитте. Шул сәбәпле, башка елларда терлек азыгы әзерләүгә май ахырыннан ук керешкән авыл хезмәтчәннәре, быел бу эшкә соңарып кына алындылар. Шуңа да карамастан, район хуҗалыкларында эш тынмый: кырларда комбайн гөрелтесе ишетелә, йөк машиналары яшел массаны сенаж базларына кайтарып тора.  

  
• 01 июль 2022

  «Якты юл» дан бергә барабыз!

  Басма матбугат чараларына II яртыеллыка язылу тәмамланды. «Якты юл»дан аерылмыйча, һәрвакыт безнең белән калучы даими укучыларыбыздан кала, районыбыз газетасына язылучы яңа дусларыбыз да барлыкка килде. Һәм бу бер  генә дә уйдырма түгел. Моның хак икәне газета тиражы санында аерым-ачык чагыла. Редакциябез өчен бу зур куаныч, яңадан-яңа, кызыклы язмалар иҗат итү, газетаның сыйфатын яхшыртуга максат куючы зур этәргеч тә. 

  
• 29 июнь 2022

  Тукаебызга һәйкәл булачак! 

  Яңа поселогында милли проектлар буенча төзекләндерү эшләре дәвам итә. Район башлыгы Фаил Камаев Яңа поселогында милли проектларның тормышка ашырылуы буенча районның төзелеш һәм архитектура җитәкчеләрен, белгечләрне, подряд оешмалары, коммуналь челтәрләр хезмәте җитәкчеләрен һәм әлеге эшләргә катнашы булган бар кешене җыйды.  

  
• 28 июнь 2022

  Өметләрне ап-ак җилкән итеп

  Чыгарылыш кичәсе мәктәпне тәмамлап чыккан һәр яшь йөрәк өчен мөһим бәйрәм. Якты өметләр, омтылышлардан чигелгән матур һәм күңелле чыгарылыш кичәсе, кичәге укучылар, ә бүген инде олы тормыш юлына баскан яшьләр күңелендә гүзәл хәтирә булып озак сакланачак.    Үткән атна җомгасында Новотроицкое авылының «Солнечный» паркында узган районүләм чыгарылыш кичәсе дә быел 11 сыйныфны тәмамлаган 76 укучы өчен онытылмаслык булып калуына иманым камил.  

  
• 02 июнь 2022

  Яшел урак өсте җиткәндә

  Чәршәмбе көнне район башлыгы Фаил Камаев район авыл хуҗалыгы һәм азык-төлек идарәсе җитәкчесе Рәшит Хәбетдинов белән хуҗалыкларга чыгып, терлек азыгы әзерләү техникасын, силос-сенаж базларының әзерлеген тикшерделәр. 

  
• 01 июнь 2022

  Ак хыяллар белән канатланып

  Бүген җәйнең беренче көне. Җир шарында аны Халыкара балаларны яклау көне буларак билгеләп үтәләр. Әлеге бәйрәм сабыйларның мәхәббәткә, игътибарга, яклауга мохтаҗ булулары турында без, өлкәннәргә янә бер искәртә, кайгыртучанлыкка чакыра торган көн. 

  
• 25 май 2022

  Соңгы кыңгырау чыңы 

   Бу атнаның кояшлы чәршәмбесе Тукай районы чыгарылыш сыйныф укучылары өчен соңгы кыңгырау чыңы белән истә калды. Быел 9 нчы сыйныфны – 304, 11нче сыйныфны 75 укучы тәмамлады. 

  
• 24 май 2022

  Тылсымлы сәнгать дөньясы

  Якшәмбе, 22 май көнне Чаллы шәһәренең «Энергетик» мәдәният сараенда районның балалар сәнгате мәктәбенең 35 еллык юбилее уңаеннан зур бәйрәм концерты узды. 

  
• 17 май 2022

  Язның бер көне елны туйдыра

  Яңгырлы көннәр язгы кыр эшләренә комаучау итә. Дүшәмбе көнне узган киңәшмәдә дә районның авыл хуҗалыгы идарәсе башлыгы Рәшит Хәбетдинов та бу хакта ассызыклап әйтеп үтте. 

  
• 05 май 2022

  Сугыш җилендә үскән гөлләр

  Берничә көннән илебез буйлап Бөек Җиңү көненә багышланган бәйрәм чаралары үтәчәк. Һәр шәһәр, авыл урамнарыннан парадлар узачак, кулларына сугышта һәлак булган солдатларның фотосурәтләрен тоткан кешеләр агымы үлемсез полк булып хәтер тасмасын яңартачак.    Ә сугыш мәхшәрендә исән калып,  туган якларына әйләнеп кайткан  солдатларның бүген кайсы исән, кайсы сау икән? 

  
• 05 май 2022

  Рәхмәт әйтеп, сезгә баш иябез

  Бөек Җиңүнең 77 еллыгын бәйрәм итү алдыннан һәр елдагыча районда яшәүче сугыш ветераннарын, аларның тол калган хатыннарын, тыл ветераннарын хөрмәтләү чаралары үтә. Шул матур гадәтне дәвам итеп, бу чәршәмбедә район башлыгы Фаил Камаев, районның төрле оешма җитәкчеләре һәм урынбасарлар, авыл җирлеге башлыклары авылларга чыгып Җиңү көнен якынайткан өлкәннәребез белән күреште, алар белән аралашып, ТРсы Президенты Рөстәм Миңнеханов, район хакимияте исеменнән рәхмәт сүзләре язылган бәйрәм хатлары, республика һәм җирле җитәкчелек, «Единая Россия» сәяси партиясе тарафыннан әзерләнгән күчтәнәчләрне таратты.