Гөлназ Таипова автор яңалыклары

• 29 октябрь 2018

  «Борды комсомоллары турында сөйләргә килдем»

  – Сезнең газетагызда комсомолның 100 еллыгына багышлап мәкаләләр бастырыла башланганын күрдем дә редакциягә килергә булдым. Минем дә истәлекләрем белән уртаклашасым килә. Үзем турында түгел, Борды мәктәбендә, элеккеге «Чулпан» совхозында комсомол оешмаларының эшчәнлеге турында сөйләргә килдем, – дип башлады сүзен Валентина Васильевна Маслова (Сәгыйтдинова). Ул тумышы белән Борды авылыннан, мәктәптә укыганда 8 сыйныфтан ук комсомол секретаре булган. 1976-1978 елларда элеккеге «Чулпан» совхозында комсомол секретаре, соңыннан Яр Чаллының Автозавод комсомол райкомында яшьләр белән эшләү бүлегендә, Кама автомеханик техникумында комсомол оешмасында, «Көмеш кыңгырау», «Нур» газеталарында баш икътисадчы булып эшләгән. Валентина Васильевна –Татарстанның атказанган икътисадчысы, бүгенге көндә лаеклы ялда.

  
• 20 октябрь 2018

  Без эшнең тәмен белә идек

  ВЛКСМның 100 еллыгына багышланган сәхифәбезне дәвам итеп, районыбызның актив комсомоллары истәлекләрен бастырабыз. Төрле елларны комсомолның райкомын Сабир Мирзаянов, Таҗетдин Минһаҗев, Марс Дәүләтшин җитәкләгәннәр. Тукай районының комсомол комитеты 1976 елны оеша. Шул елдан башлап 1981 елга кадәр райкомның беренче секретаре булып Миңнехәй Гарифуллин эшли.

  
• 06 сентябрь 2018

  Пенсиягә иртә чыгыйм дисәң – биш бала тап

  Россиядә лаеклы ялга чыгу яшен арттыру турындагы закон проекты Дәүләт Думасы депутатлары тарафыннан көзге сессиядә каралачак. Бу турыда без газетаның узган саннарында язган идек инде. Пенсиягә чыгу яшен арттыру берничә ел дәвамында акрынлап барачак. Тулырак «Якты юл» газетасының 53нче саныннан укыгыз (25 июль).

  
• 09 август 2018

  Зарланырга түгел, уртага салып сөйләшергә җыелдык

  Газетаның узган санында әйтеп үткәнчә, районга эш сәфәре белән «Татарстан Республикасы муниципаль берәмлекләре Советы» ассоциациясе рәисе Экзам Гобәйдуллин килде. Хакимият бинасында ул авыл җирлекләре башлыклары белән очрашу уздырды. Әлеге чарада салым җыю, су үткәрү, юл төзү, электр энергиясе белән тәэмин итү һәм башка күп төрле сораулар каралды. Очрашуның төп максаты зарлану түгел, ә хәл итәсе мәсьәләләрне уртага салып сөйләшү, дип билгеләде район башкарма комитеты җитәкчесе Фаил Камаев.

  
• 17 июль 2018

  «Үлемнән мине Ходай саклады»

  «Вакыт узган саен, Бөек Ватан сугышы ерагаеп, бөтенләй онытыла башлар инде. Безнең әле яралар төзәлмәгән, чөнки ата-бабаларыбыз сугышта катнашкан, әни-әбиләребез тылда хезмәт иткән яисә сугыш чоры балалары булган. Ләкин тагын берничә буын алышынса, Бөек Ватан сугышы вакыйгаларын тарихчылар гына белер дип уйлыйм мин. Без дә бит 1812 ел Ватан сугышын һәм ул чор геройларын белеп бетермибез», – дип сүзне башлады Кече Шилнә авылында яшәүче Татьяна Аркадьевна. Аның әтисе, Аркадий Леонидович Жуков, сугыш ветераны, тумышы белән Киров өлкәсендәге Сухая река авылыннан. Озак еллар Жуковлар гаиләсе Чаллыда яшәгән. Биш ел элек Кече Шилнә авылына күчкәннәр.

  
• 05 июль 2018

  Районда коррупциягә каршы ничек көрәшәләр?

  Коррупциягә каршы көрәшне көчәйтү максатыннан быел бу юнәлештәге законнарга үзгәрешләр кертелгән иде. Алар нигезендә, хәзер барлык депутатлар, район һәм башкарма комитет җитәкчеләре, контроль-хисап палатасы рәисләре үзләренең керем, чыгым, милек белән бәйле мәгълүматларын турыдан-туры ТР Президенты аппаратына тапшыра. Татарстанның коррупциягә каршы эшне координацияләү комиссиясе утырышында Президент Рөстәм Миңнеханов дәүләт сатып алулары процедурасын, дәүләт һәм муниципаль милек белән идарә итү белән бәйле сорауларны иң проблемалы мәсьәләләр арасында атады.

• 01 июль 2018

  90 яшьлек Гандәлиф Гыйлаҗиева: «Мин тормышка гашыйк»

  Ул төп-төз басып тора, матур әдәби телдә сөйләшә, аның җылы һәм бер үк вакытта сынаулы карашы, әйтерсең лә, синең барлык яшерен уйларыңны күрә – Гандәлиф Гыйлаҗи кызы Гыйлаҗиеваның 42 ел укытучы булып эшләгәне аның һәрбер хәрәкәтеннән, үз-үзен тотышыннан аңлашыла. Зыялы, һәр сүзе урынлы, тормыш бизмәнендә үлчәнгән. Шул ук вакытта, укытучыларга хас җитдилек, таләпчәнлек аңа шаян, чая, җор сүзле булырга комачауламый. 90 яше тулу уңаеннан Гандәлиф апаны район башлыгы урынбасары Рөстәм Закиров, Түбән Суыксу авыл җирлеге башлыгы Флүр Ихсанов, район мәгариф идарәсе башлыгы урынбасары Эльвира Шәйдуллина, туганнары, хезмәттәшләре, укучылары котларга җыелды.

  
• 30 июнь 2018

  Депутатка торак мәсьәләләре белән мөрәҗәгать иттеләр

  ТР Дәүләт Советы депутаты Илшат Әминов узган җомга көнне тукайлыларны кабул итте. Мөрәҗәгатьләрнең күбесе торак белән бәйле мәсьәләләргә кагыла иде.

  
• 02 июнь 2018

  Кыл өстендә калган язмышлар белән эшлибез

  Язның соңгы көнендә балигъ булмаганнар белән эшләү бүлеге хезмәткәрләре үзләренең һөнәри бәйрәмнәрен билгели. 1935 елның 31 маенда партиянең Үзәк комитеты һәм Халык комиссарлары Советы караучысыз, тәрбиячесез калган балалар, урам балалары белән эш алып бару турында карар кабул итә. Әлеге документ нигезендә дәүләт органнарында махсус оешмалар барлыкка килә, милициядә тәрбиячесез калган балалар белән эш алып баручы аерым бүлекчәләр оештырыла. Моннан тыш, балаларның буш вакытын файдалы уздыру өчен тәрбиячеләр билгеләнә, урамда йөрүче балаларны җыеп, аларны приютларга урнаштыралар.

  
• 11 май 2018

  «Бик бай гаиләләрдә генә икмәк була иде»

  – Мин әткәемә охшаганмын. Йөзем-кыяфәтем дә, холкым да аңардан. Ул эшкә нык, җитез, «боевой» иде, – дип сөйли Кече Шилнә авылында гомер итүче 93 яшьлек тыл ветераны Александра Петровна Подъячева. Әтисе – Петр Иванович Усов, Курск дугасында барган бәрелешләрдә катнашкан, өч тапкыр яраланып, госпитальләрдә ятса да, Берлинга кадәр барып җиткән. Сугыш тәмамлангач, туган якларына – Олы Шилнә авылына әйләнеп кайткан. Александра Петровна бүгенгәчә әтисенең фронттан өйгә кайтып кергән чагын хәтерли. «Безгә күчтәнәчкә дүрт кило ак он һәм бик тәмле казылык алып кайткан иде әти. Дүртпочмаклы казылыкны вак, юка итеп турап, безнең барыбызга да тараттылар», – дип искә ала ул. Александра Подъячева көләч йөзле, мөлаем, зирәк әби, җайлап кына хәтер йомгагын сүтә, сөйләм теле искиткеч матур – рус халык әкиятләрендәгечә, хәтере дә сокланырлык – балачак, яшьлек елларында кичергәннәрен җентекләп сөйли. Сугыш башланганда аңа 16 яшь булган.

  
• 17 март 2018

  «Танышуның икенче көнендә никах укыттык»

  Иске Җирекле авылында яшәүче Әлфия һәм Хәйдәр Садыйковлар 1958 елны гаилә корганнар. Быел аларның бергә торуларына 60 ел булачак. Озак еллар буена бер-берсен аңлап, хөрмәт итеп, җылы мөнәсәбәтләрне саклап яшәүче парлар районыбызда аз түгел. Һәр гаиләнең үз тарихы, үз серләре.

• 10 март 2018

  Тормыш юлын парлап узу – үзе олы бәхет

  Районда озак еллар бергә гомер иткән күркәм парларны зурладылар Узган атнада Борды авылында «Тормыш китабы: Олы мәхәббәтнең яшерен серләре» дип аталган бәйрәм кичәсе үтте. Аны үзәкләштерелгән китапханәләр челтәре һәм район гражданлык хәлләрен теркәү бүлеге хезмәткәрләре әзерләде. Әлеге үзенчәлекле чара районда инде икенче тапкыр уздырыла, 2017 елны гаилә тормышы юбилеен билгеләүче...

• 09 март 2018

  Ата-аналар БДИ тапшырды

  Районда Бөтенроссия «Ата-аналарның БДИ тапшыру көне» акциясе узды. Аның кысаларында ата-аналар рус теленнән бердәм дәүләт имтиханын тапшырды. Чара Круглое Поле поселогының урта гомуми белем бирү мәктәбендә үтте, акциядә барлыгы 17 ата-ана катнашты.

• 17 февраль 2018

  «Кеше никадәр бөек булса, шул хәтле гади, – бу сүзләр аның турында»

  15 февраль Россия һәм Татарстанның халык артисты, Габдулла Тукай исемендәге дәүләт премиясе лауреаты Илһам ага Шакировның туган көне, мәшһүр җырчыбызга 83 яшь тулды. 16 февраль, 14 сәгатьтә Яңа Бүләк мәдәният йортында «Илһам моңнары» дип исемләнгән районкүләм концерт оештырыла. Легендар якташыбызның туган көненә багышлап газетабызда ел саен язмалар бастырыла. Яңа Бүләк...

• 26 гыйнвар 2018

  Бүген – студентлар, иртәгә – оешма хезмәткәрләре, яисә Яшьләребез районга эшкә кайтырмы?

  Студентлар көне уңаеннан югары уку йортларында белем алучы тукайлылар арасында сораштыру үткәрдек. Сәләтле, ипле, тырыш, русча да, татарча да матур сөйләшүче яшьләребез Яр Чаллы, Казан, Мәскәү шәһәрләрендә укыйлар. Уку йортларын тәмамлагач, алар районыбызга кайтырмы?