Автор автор яңалыклары

• 01 июль 2021

  Качмагыз мәхәббәттән!

  Гаилә, мәхәббәт һәм тугрылык көне уңаеннан «Якты юл» («Светлый путь») газетасы редакциясе, район ЗАГС идарәсе белән берлектә, «Бер мәхәббәт тарихы» дигән традицион бәйге игълан итә.  Бәйгегә мәхәббәт тарихларын кабул итәбез.Үзегезнекен язсагыз да була, бәлки якын дусларыгызның танышу һәм кавышу тарихы кызыклы яки гыйбрәтледер?  Исемнәрен белгертәсегез килмәсә, үзгәртергә була.  Хатларны һәм фотосурәтләрне безнең электрон почта аша yakti.ul76@gmail.com яки социаль челтәрләрдәге төркемнәргә юлларга була. 8 июль – Мәхәббәт, гаилә һәм тугрылык көнендә конкурска йомгак ясалачак. Иң кызыклы язма авторларын яхшы бүләкләр көтә.

  
• 24 июнь 2021

  Журналист авылдашыбыз

  Ел башында ук район китапханәләр системасы Тукай районының 45 еллыгы уңаеннан «Тукай хатын-кызы» дигән иҗади бәйге игълан иткән иде. Берничә язмам район газетасында, башка газеталарда басылып чыкты. Тукта әле дим, район оешып, аның саф татар телендә «Якты юл» газетасы чыга башлаган көннән алып, басманы оештырышып, беренче мәкаләләрен язган, 45 ел буе шунда эшләгән, әле хәзер дә газетада төрле язмалары чыгып килә торган талантлы журналист Заһидә апа Нәбиуллина Күзкәебездә яшәп ята, авылның җәмәгать тормышында актив катнаша. Шулай уйладым да, мөхтәрәм кешебез турында да язарга нияләдем.

  
• 15 июнь 2021

  Сагындырган Сабан туйлары!

  Быел да гүзәл табигатьле Кызыл Байрак аланлыгы тукайлыларны һәм район кунакларын үзенә җыйды. Көне дә матур килде, алдан гына күптән көткән шифалы яңгырлары да явып үткән иде, халыкның кәефе яхшы – Сабантуйга да күпләп җыелдылар алар. Узган ел үткәрелмәгәч, милли бәйрәмебез бик сагындырган да иде. 

  
• 11 июнь 2021

  Иң кадерлесе – туган авылыбыз Сабан туе

  Җәй җитү белән күңел Сабан туен көтеп яши башлый. Туган-тумачалар, сабакташлар, дус-ишләр белән очрашып, күңел ачып алу өчен менә дигән форсат бит бу. Гадәттәгечә, милли бәйрәмебез эстафетасын иң элек авылларыбыз кабул итеп ала. Таң әтәчләре белән торып эш башларга күнеккән сала халкы монда да беренче. Әйе, язгы кыр эшләре төгәлләнгән, инде бераз ял итеп алырга да хакы бардыр җир кешесенең. Хәер, кемгәдер ял, ә кемгәдер зур сынау чоры. Егетлеккә, батырлыкка сыналыр чак та бит әле ул Сабан туе. Сүзем милли бәйрәмебезнең төп геройлары – көрәшчеләр хакында. Мәйданнарга чыгып, бил алышканчы үзләре белән очрашып, аралашып алырга дип без Мерәс авылының көрәшче егетләре янына юл тоттык.  

  
• 03 июнь 2021

  «Без сугышка күптән киткән идек...»

  Иске Абдул мәдәният йортында «Без сугышка күптән киткән идек, без сугыштан әле кайтмаган...» фестиваль-концерты үтте. Чара «Гиндукуш» хәрби дан музееның 10 еллыгына, Әфганстаннан Совет солдатларын чыгаруның 32 еллыгына багышланды. 

  
• 02 июнь 2021

  Тәмәкене витаминга алмаштыр! 

  31 майда Бөтендөнья тәмәке тартуга каршы көрәш көне билгеләп үтелде. Бу дата 1988 елда Бөтендөнья сәламәтлек саклау оешмасы тарафыннан билгеләнгән. Әлеге оешма мәгълүматлары буенча, тәмәке тарту белән бәйле төрле авырулардан елына 4,9 млн кеше үлә. Россия буенча андыйлар 300-400 мең кеше исәпләнә. Тәмәке яратучылар 13 тапкырга күбрәк стенокардия, 10 тапкырга күбрәк ашказаны чирләре белән интегәләр. 

  
• 31 май 2021

  Татарча сөйләшкән өчен эштән кууга җиттеләр

  Һәр кешенең дә яшь вакытта истә калырлык вакыйгалары була. Яшьлек артта калган саен үткәндә булган вакыйгалар, хатирәләр ешрак искә төшә икән ул. Хәзерге көндә чордашларым, яшьтәшләрем белән яшьлек елларында булган истәлекләрне еш кына искә алып хәтерне яңартабыз. Әлеге язмамда Яр Чаллы шәһәренең Автозавод район советында – район буенча физкультура-спорт комитеты рәисе булып эшләгән чорда булган кызыклы да, гыйбрәтле дә вакыйгалар турында искә алып китәргә булдым.

  
• 30 май 2021

  Милли үзенчәлекне ничек саклап калырга?

  Кечкенә чагымда караңгы-кызыл төстәге балалар түбәтәен бик еш игътибар белән карагыным истә. Инде төсе бераз уңа төшкән бәрхет түбәтәйнең читләре кара тасма белән каймаланган, дүрт өлгесе дә бар яклап сәйләннәр белән чигелгән иде аның. Унике яшьләремдә микән, мәктәпкә кия торган кофтамның якасына чәчәкләр чиккәндә, шул түбәтәйдән берничә бөртек сәйләнне өзеп аласы иттем. Шактый таушалган түбәтәйнең бизәкләре инде коелып учыма төшәргә тора иде. Бүгенге тормыш ритмы безгә милли үзенчәлегебезне танып, аның бизәкләрен саклау мөмкинлеген калдырмый диярлек.

• 29 май 2021

  Күзкәйдә – дини Сабантуй

  Искиткеч матур, балалар өчен аеруча куанычлы бәйрәм булды ул. Дини Сабантуйны район мөхтәсибе Җәүдәт Харрасов белән Күзкәй мәчете имам-хатыйбы Илнур Фәрхетдинов оештырды. Авыл халкы зур матди ярдәм күрсәтте. Барысына да мең рәхмәт яусын.

  
• 27 май 2021

  Тукайлылар Каравон бәйрәмендә

  Районның фольклор коллективлары Лаеш районы Никольское авылында үткән «Каравон -2021» XXIX Бөтенроссия рус халык фестивалендә катнаштылар.

  
• 24 май 2021

  Бикләнлеләр – үҗәт халык

  Биклән авылында үткән Шәҗәрә бәйрәме башыннан ахырына кадәр видеотасмага язып алынды. Димәк, кичәгә килә алмаганнар да бик тә файдалы булган бу материалларны карый алачак, тарих укытучылары дәресләрдә күрсәтәчәк. 

  
• 23 май 2021

  Күршең үзеңнән яхшы булсын

  Без үскәндә әниемнең шундый сүзләрен еш ишетә идем. Ә менә халык теленә кергән әлеге гыйбарәнең асылы турында уйлап та караган булмады. Яши-яши төшендем мин аңа. Яшәү урыннарын, фатирларны алыштырырга, билгеле инде, күнегелгән күршеләрдән аерылырга туры килде.

  
• 23 май 2021

  «Янәшәдә генә үлем йөри...»

  Әтиебез Вәгыйзь Әхмәтша улы Әхмәтшин (22.04.1922-28.01.1989) Бөек Ватан сугышы ветераны иде. Тумышы белән Югары Байлар авылы егете. Гаҗәеп тыйнак, кыю фикерле, намуслы, тынмас җанлы, чыдам кеше булган ул әти.

  
• 21 май 2021

  Бәхетләренең нигез ташы нык

  Боерган авылында Халыкара гаилә көне кысаларында бик матур бәйрәм узды. Авылның 45, 50, 55, 60 ел бергә гомер иткән үрнәк парлары белән очраштык. Гомерләрен хезмәттә үткәргән, яшь буынга үрнәк булырлык күркәм эшләр башкарган кешеләрнең гомер сәхифәләрен барладык. 

• 14 май 2021

  Калмаш авылының үз йолалары

  Калмаш авылында Шәҗәрә бәйрәме «Яшьлек» мәдәният сараенда үтте. Бәйрәмгә кунак итеп Калмаш авыл җирлеге башлыгы Равия Габдуллина да чакырылган иде. Кичәне дә ул ачып җибәрде. Мәктәп директоры Айрат Габдуллин тирән эчтәлекле итеп авыл тарихын сөйләде һәм бик матур итеп кичәне алып барды.