Автор автор яңалыклары

• 13 май 2021

  «Күңелем түрендә – авылым тарихы»

  Мәләкәс авылында узган, «Күңелем түрендә – авылым тарихы» дип исемләнгән шәҗәрә бәйрәменең максаты авыл җирлеге составында булган биш керәшен авылы: Мәләкәс, Иске Җирекле, Яңа Җирекле, Калинин һәм Куаклы авыллары тарихын тамашачыларга җиткерү иде. 

  
• 10 май 2021

  Мәктәпкә герой исеме ничек бирелде?

  Теләнче Тамак авыл җирлегенә керүче Казаклар авылында туып-үскән Нурми Шәрипов – районыбызның, халкыбызның данлы улы. Үз җирлегебездән чыккан геройлар белән хаклы рәвештә горурланабыз. Нурми Хәләф улы Шәриповка Советлар Союзы Герое исеме СССР Верховный Советы Президиумы Указы белән 1944 елның 23 сентябрендә бирелә. Бүген сүзем мәктәбебезгә Герой исеме бирелү тарихы турында.

  
• 08 май 2021

  Иң кадерле гаилә ядкаре

  Без – сугыш чоры балалары. Балачагыбыз рәхәт узмады. Сугыш бит ул аяусыз, кан-яшь, хәсрәт, югалтулар китерүче афәт. Әти сүзен әйтергә тилмереп үскән балалар атасы сугыштан кайтканнарга кызыгып үстек. Әтием Гали Миңнеханов Бөек Ватан сугышында батырларча һәлак булган. Әни сөйләгәннән: «Военкоматта әтиләргә тезелеп басарга әмер бирделәр. Озата баручыларга чыгарга куштылар. Капка бикләнде. Мин сигез айлык корсагым белән шул капка астыннан шуышып тагын кердем. Әтиегез: «Үпкәләмә, мин дә артыма карамыйм, син дә әйләнеп карама. Башкача мөмкин түгел бит. Балаларны кешелекле, хезмәт сөючән итеп тәрбияләп үстер», – диде. Соңгы тапкыр күрешүебез, саубуллашу сүзләре булган икән... » дип еш искә ала иде. 

  
• 07 май 2021

  Теләнче-Тамакта – «Тәмле Әрмәнстан»

  Теләнче-Тамак авыл китапханәсендә әрмән халкы ризыкларын әзерләү буенча «Тәмле Әрмәнстан» дип аталган мастер-класс үтте. Әлеге мастер-классны үткәрү өчен авылыбызда яшәүче әрмән милләте вәкиле Татевик Сафарян килде.

  
• 01 май 2021

  Мәчетебез халыкны берләштерә 

  Айлар солтаны Рамазанның да уртасына җиттек. Коръәни Кәримдә Рамазан аенда тәмугъ ишеге ябылыр, җәннәт ишекләре ачылыр, ураза тотканнарның гөнаһлары гафу ителер, диелгән. Үзебезнең җирлек мисалында шуны яхшы тоям: ураза тотучылар саны ел саен арта бара, сөенечлесе – яшьләр арасында да бар алар. Район мәчетләрендә ифтар мәҗлесләре үткәрелүен дә ишетеп-белеп торабыз. Шушы мәҗлесләр вакытында кардәшләребез динебез турында ишетә, вәгазь тыңлый, Коръән укыла, туганнар, авылдашлар очраша. Хәзер тарихлардан укып беләбез: ни генә булмасын, динебез милләтне саклаган. Мәчетләр җәмәгать тормышының үзәге булган.

  
• 30 апрель 2021

  Армиядә хезмәт итү – абруй

  Князево мәдәният йортында «Армиягә чакырылучы көне» – «Сиңа да, миңа да Россиягә хезмәт итү язган» дигән тантаналы кичә узды. 

  
• 26 апрель 2021

  Хәтер дәрьясы тирән

  Моннан нәкъ 35 ел элек, 26 апрельдә, ил халкын тетрәндереп, хафалы чаң йокыдан уятты – Чернобыль атом электр станциясендә шартлау булган. Ул мизгелдә авариянең колачын да, коточкыч югалтуларны да чамалап булмый иде әле. Интернет мәгълүматларына караганда, Чернобыль һәлакәте китергән бәла-казаларны бетерүдә 600 меңгә якын кеше катнашкан. Аларның 30 меңе нурланыш алу аркасында һәлак булган. Нурланыш китереп чыгарган авырулардан ике миллионлап кеше иза чигә, шуларның дүрттән бере – балалар.

  
• 25 апрель 2021

  Игелек кылудан тәм таба

  Тукай районы үсешенә өлеш керткән, район эчендә кайнаган кешеләр арасында бүген Чаллыда яшәүче Марат Гарифуллин да бар. Ул хәзерге вакытта шәһәрдәге Аксубай районы якташлык җәмгыятен җитәкли, «Алтын йөрәкле кеше», «Ел хәйриячесе» исемнәрен лаеклы йөртә. Хезмәтен бәяләгән мактау грамоталары, рәхмәт хатлары бихисап. 

  
• 23 апрель 2021

  Ничек яшисең, ветеран?

  Казанда Бөтенроссия инвалидлар җәмгыятенең Татарстан Республикасы оешмасы чираттагы VII хисап-сайлау крнференциясен үткәрде. Анда районнардан җыелган делегатлар 2020 елда башкарылган эшләрне барлады, алга куелган планнар турында фикер алышты.

• 23 апрель 2021

  Юбилей – тукайлылар язмышында

  ​​​​​​​Князево авылында узачак район бәйрәменә чакырылгач, икеләнеп калдым. Бакчада эшләр башланды. Быелгы яз бик үзенчәлекле – туфрак көнләп түгел, сәгатьләп кибә. Кишер, чөгендер ише салкынга чыдам орлыкларны чәчә башласаң да була. Шулай да узачак чара күңелне кузгатты. Район юбилее бит, ә мин 45 ел гомеремне районым яшьтәше «Якты юл» газетасында эшләүгә багышладым.

  
• 23 апрель 2021

  Бикләндә – Ифтар ашы

  Авыл уртасында нур чәчеп торган изге йортыбызда – мәчетебездә ифтар ашы узды. Авылдашлар да, килгән кунаклар да күп иде анда. Мәчетебезнең эче дә җылы, иркен, нурлы. Ниндидер күңелгә рәхәтлек бирә торган мохит монда. Мөдәфис хәзрәт белән Әнисә апаның күңел җылысы сеңгәндер кебек бу изге диварларга.

  
• 21 апрель 2021

  Фитнес – файдалы шөгыль

  Без Күзкәй авыл җирлеге өлкәннәре һәр көнне файдалы итеп үткәрергә тырышабыз. Кул эшләре түгәрәгенә йөреп, бер-беребездән кирәк-яракны бәйләргә өйрәнәбез. 

  
• 21 апрель 2021

  Ихлас сөйләшү

  Рамазан ае башланыр алдыннан мәчеттә «түгәрәк өстәл» узды. Анда Рамазан ае, иманлы балалар үстерүдә гаиләнең тоткан урыны, ислам тәрбиясе аша ана телен саклау турында сөйләштек. Әңгәмәдә районның имам хатыйбы Җәүдәт хәзрәт Харрасов, укытучылар, мәчеттә дин сабаклары өйрәнү мәктәбенә йөрүчеләр катнашты. 

• 17 апрель 2021

  Рәшит Гәрәй – авыл җырчысы

  Шигъриятебез тарихына авылыбызның бер җырчы малае булып кереп калган Рәшит Гәрәйгә багышланган шигырь бәйрәмебезне туган авылы Малтабарда үткәрдек. «Рәшит Гәрәй – авыл җырчысы» дип исемләгән очрашуны «Үзем кайтып киләм шикелле» дигән шигырь белән башлап җибәрдек. 

  
• 14 апрель 2021

  Тукайлылар мөселман корылтаенда 

  Мәркәзебез Казанда Диния Нәзарәтенең VIII Корылтае узды. Безнең районнан 48 имам делегат булып, район башлыгы Фаил Камаев, аның урынбасары Рөстәм Закиров кунак булып корылтайда катнашты. Делегатлар һәм кунакларны Татарстан Президенты Рөстәм Миннеханов сәламләде һәм мөфтияткә халыкка дини белем бирүдә, Ислам дине буенча китаплар чыгаруда зур тырышлык куюлары өчен рәхмәт белдерде.