Машина йөртүчеләр игътибарына!

admin, 24 июль 2019 - 15:15

1171

ЮХИДИ идарәсенең район бүлеге инспекторлары 25 июльдә иртәнге 6дан 9 сәгатькә кадәр чираттагы рейдка чыга.

Инспекторлар Чаллы-Борды автомобиль юлының беренче километрында кизү торачак. Беренче чиратта, куркынычсызлык каешын эләктермәгән машина йөртүчеләргә игътибар ителәчәк. Чөнки кайбер машина йөртүчеләрнең моңа җиңелчә каравы нәтиҗәсендә зур һәлакәтләрдә кеше гомерләре өзелә. Ел башыннан шундый 1963 кагыйдә бозу очрагы ачыкланган.