Җәйге лагерь өчен акчалар кире кайтты

Безнең районда да балаларын җәйге лагерьларга җибәрүчеләр программа ярдәмендә путевка өчен булган түләүнең ата-ана өлешен, ягъни 50 процентын кире кайтара алды. Район мәгариф бүлеге белгечләре биргән мәгълүматларга караганда, җәйге ялларын «Крылатый», «Звездный», «Балкыш» лагеренда уздырган балаларның әти-әниләренә дә акчаларының яртысы кешбэк белән кире кайткан инде. «Әйтик, “Балкыш” лагеренда ял иткәннәрнең барысына да җәмгысы 10 мең сумнан артып киткән кешбэк акчалары күчерелде», – диде әлеге лагерьның директоры Әлфия Шәйдуллина. 
Шунысын да әйтеп үтәргә кирәк, әлеге программа шартлары буенча, юллама өчен ата-аналарга «Мир» картасы белән түләргә кирәк. Шул очракта гына түләгән акчаның яртысы кире әлеге картага кайта.