Язылышу турындагы гаризаны бер ел алдан биреп була

admin, 9 август 2018 - 09:25

866

Август аенда Россия Президенты өйләнешүче парларга туй көнен билгеләүдә күбрәк мөмкинлекләр бирә торган закон кабул итте.

Гаилә кодексына кертелгән төзәтмәләр нигезендә, никах гаилә хәле актларын теркәү бүлегенә бирелгән гаризадан соң бер ай узгач һәм 12 айдан да соңармыйча рәсмиләштерелә. Гариза биргән вакытта никахлашу көнен өйләнешүче пар үзе сайлый. Алар өчен ГХАТ бүлеге билгеләгән көннәр аралыгында үзләренең күңелләренә хуш килерлек вакытны беркетеп булачак.
Закон 2 августта кабул ителгән һәм 1 октябрьдән гамәлгә керә.