Быел тукайлылар беренче тапкыр митингта шәһәр халкы белән берлектә катнашты.
«Җиңү Паркы» тукталышында 2 меңнән артык кеше җыелды. Шуның 150дән артыгы- Тукай районы оешмалары хезмәткәрләре. Халык колоннасы Тынычлык проспекты буйлап Азатлык мәйданына кадәр бердәм булып барды. Тукайлылар колоннасының алдында, халыкны сәламләп район башлыгы Фаил Камаев һәм аның ике урынбасары - Ленар Авзалов хэм Рөстәм Закиров барды. Мәйданда бәйрәм концерты һәм халык күңел ачулары оештырылган иде.
Биредэ район башлыгы әлеге чара буенча үз фикерләре белән уртаклашты:
- Бүген бәйрәм көне! Шушындый чара уздыру - электән килүче традиция. Ни өчен Тукай районы халкы читтә калырга тиеш?! Тукай районы һәм шәһәр халкы арасында аерма юк - халык бер үк, бер территориядэ яшибез.Шәһәр белән берлектә митингта катнашу инициативасын хуплап кабул иттеләр. Бик матур, тоз колонна булып бардык. Халык рәхәтләнеп ял итте, уңай хис-тойгылар алды. Киләчәктэ дә бу традиция дәвамлы булачак.
Нет комментариев