«Яшь гражданнар форумы»

Быел ул районда икенче тапкыр үткәрелде. Биредә балалар һәм яшүсмерләр районны үстерүгә юнәлдерелгән кызыклы идеяләр һәм проектлар тәкъдим иттеләр. Иң актив катнашучылар дипломнар һәм рәхмәт хатлары белән бүләкләнде. Шулай ук балалар хәрәкәтен үстерүгә өлеш керткән педагогларга рәхмәт хатлары тапшырылды. Пленар утырышта район башкарма комитеты җитәкчесенең социаль мәсьәләләр буенча урынбасары Илфак Бариев, район мәгариф идарәсе җитәкчесе Айгөл Мөхәммәтҗанова активистларның барлык башлангычларын хупладылар, аларның идеяләрен тормышка ашыруда булышырга вәгъдә иттеләр.