Халыкара туган тел көнендә Князево мәдәният йортында мәктәп укучылары катнашында «Туган телем – очар канатым» дип аталган шигырь уку кичәсе үтте.
Максатыбыз телебезне, халкыбызның традицияләрен онытмау, аларга мәхәббәт тәрбияләү иде. Бәйгедә 9 бала чыгыш ясады. Алар шигырьләрне рус һәм татар телләрендә укыды. Яшьтәшләре белән ярыша-ярыша, бик сәнгатьле итеп башкардылар. Җиңүчеләргә Князево авыл җирлеге башлыгы Фәндүс Камалов исеменнән дипломнар тапшырылды.
Тамара Тузеева, мәдәният йорты директоры.
/ Фото Тамара Тузеевадан алынды.
Нет комментариев