Якты юл
  • Рус Тат
  • Яңа йортка ут капкан

    5 октябрь кичке сәгать 5 тулгач Бәтке авылыннан хәбәр килә. Шалтыратучы Заречная урамында торак йорт януы турында әйтә. Йортта ир-ат кызы белән генә яшәгән була. Ул эштән кайтканда апасыннан баласын кереп ала һәм үз урамына борылгач, йорты януын күреп ала. 

    Янгынны беренче булып күршеләре күреп алган, сүндерүчеләргә дә алар хәбәр иткән була. Янгын сүндерү машиналары килгәнче чиләк белән үзләре су сибеп карыйлар, ләкин утны җиңә алмыйлар. Кызганычка, агач йортның түбәсе ишелеп төшә, стеналары да нык яна. Бүген ул файдаланырлык түгел. «Росинка»дагы мунча кебек, бу йорт та күптән түгел генә төзелгән була. Янгынның сәбәбе – электр үткәргечләрдә кыска ялганыш барлыкка килү.

    Нравится
    Поделиться:
    Реклама
    Комментарии (0)
    Осталось символов: